അസ്മദീയം

മിന്നല്‍ 3

2011-04-25T10:22:00.000-07:00

പൊടി പിടിച്ച് കിടന്ന ബ്ലോഗിന്റെ ക്ലീന്‍ അപ്പ് ഒരു മിന്നലോടെ ആവട്ടെ..
ഇത്തവണ നാട്ടില്‍ ചെന്നപ്പോള്‍ അപ്രതീക്ഷിതമായി പാഞ്ഞുവന്ന പെരുമഴയ്കൊപ്പം രാത്രി പകലാക്കിയ ഒരു അത്യുഗ്രന്‍ മിന്നല്‍... അക്ഷരാര്‍ത്ഥത്തില്‍ കിടുങ്ങിപ്പോയി!!

ഫോട്ടോ: ഷംസ്

ഇരുപത്തിയഞ്ച് വര്‍ഷങ്ങള്‍...

2010-08-24T19:33:00.000-07:00

ഒരുമിച്ച് ജീവിതം ആരംഭിച്ചിട്ട് ഇന്ന് (25.10.2010)ഇരുപത്തിയഞ്ച് വര്‍ഷങ്ങള്‍ തികയുന്നു...

കൊഴിഞ്ഞു പോയ വര്‍ഷങ്ങളുടെ വിരല്പാടുകള്‍ മോതിരത്തിലും...

ആയിരത്തി തൊള്ളായിരത്തി എണ്‍പത്തി അഞ്ച്...

രണ്ടായിരത്തിപ്പത്ത്...

ആകാശത്തിന്റെ അനന്തതയിലേക്ക്....

2010-08-10T01:58:00.000-07:00

ഫോട്ടോ : ഷംസ്

യൂറോപ്പ് കാഴ്ചകള്‍....

2010-08-06T07:51:00.000-07:00

തെരുവിലെ സംഗീതം...

യൂറോപ്പിലെ പല നഗരങ്ങളിലും കണ്ട കാഴ്ചയാണ്.. മുന്‍പില്‍ തുറന്നു വെച്ച ഉപകരണപ്പെട്ടിയുമായി മനോഹരവീചികള്‍ തെരുവില്‍ വായിക്കുന്ന സംഗീത്ജ്ഞര്‍...
ഫ്ലോറന്‍സിലെ യുഫീസ്സി മ്യൂസിയനടയില്‍ നിന്നൊരു ദൃശ്യം..

ഇത്.. Piotr Tomaszewski
പോളിഷ് ഗിറ്റാറിസ്റ്റ്. ക്ലാസ്സിക്കല്‍ ഗിറ്റാറില്‍ മാസ്റ്റേഴ്സ് ഡിഗ്രി..വളരെ ചെറുപ്പത്തിലെ തന്നെ നിരവധി ഇന്റര്‍നാഷണല്‍ മത്സരങ്ങളില്‍ അവാര്‍ഡുകള്‍.. കണ്‍സേര്‍ട്ടുകള്‍.. യൂറോപ്പിലെ പല ഫെസ്റ്റിവലുകളിലും ഗസ്റ്റ് പെര്‍ഫോര്‍മര്‍.. എന്നിട്ടും!!
നമ്മുടെ നാട്ടിലെ തെരുവു സംഗീതമല്ല ഇവരുടേത്. ഇവരെല്ലാം തന്നെ അവരവരുടെ സംഗീത മേഖലകളില്‍ നിപുണര്‍...
പിന്നെ എന്തിനിങ്ങനെ??അതാണിന്നത്തെ അവസ്ഥ.. നാണയത്തുട്ടുകള്‍ക്കു വേണ്ടി സര്‍ഗസൃഷ്ടി ഉപയോഗിക്കേണ്ടി വരുന്നത്, നമുക്ക് കാണുമ്പോള്‍ സങ്കടകരം..
ഭാഗ്യം, നിമിത്തം, പണം ഇങ്ങനെ പല കാരണങ്ങള്‍ കൊണ്ടും പ്രശസ്തി നേടുന്നവര്‍ ശ്രദ്ധിക്കപ്പെടുന്നു..അതിലും കഴിവുള്ള എത്രയോപേര്‍ ഇങ്ങനെ!!
ആരെ കുറ്റം പറയാന്‍!

ഇദ്ദേഹത്തിന്റെ കൂടുതല്‍ വിവരങ്ങള്‍ ഇവിടെ..
http://en.wikipedia.org/wiki/Piotr_Tomaszewski

യുഫീസ്സി പരിസരത്തെ ആമ്പിയന്‍സില്‍ ആ സംഗീതം മറക്കാനാവാത്ത ഒരനുഭവമായി..
പല സംഗീതജ്ഞരും സ്ഥിരമായി അവിടെ വായിക്കുന്നുണ്ട്, പല നേരങ്ങളില്‍..
നിലാവുള്ള രാത്രികളില്‍ ആ പരിസരവും ഇവരുടെ സംഗീതവും ഹാ... ഒരു മാസ്മരികലോകം തന്നെ സൃഷിക്കില്ലേ. അവിടെ എല്ലാവരും തന്നെ സംഗീതം ആസ്വദിക്കുന്നു.. ആസ്വാദകരുടെ മുന്‍പില്‍ പെര്‍ഫോം ചെയ്യുന്നതു ആനന്ദകരം തന്നെ... കണ്ട് മടങ്ങിയ എല്ലാ നഗരങ്ങളില്‍ നിന്നും ഈ ഓര്‍മകള്‍ കൂടെ കൊണ്ടു വരാനായതും മറ്റൊരനുഭവം...

Piotr Tomaszewski by the Uffizi in Florence

http://www.youtube.com/watch?v=RKnfDHOfn6Q&feature=related

http://www.youtube.com/watch?v=2n8yh8EXSoA&feature=related

കൂടുതല്‍ കേള്‍ക്കാന്‍

http://www.myspace.com/piotrtomaszewski

ഇതുപോലെ വഴിയോരത്ത് എത്രയോ പേര്‍...

ഫോട്ടോ കടപ്പാട്: ഷംസ് / മകന്‍ നവീന്‍( അപ്പു)

ഒരു നോക്ക്...ഒരു വാക്ക്...ഒരു വിഹിതം....

2010-03-11T18:11:00.000-08:00

ഇതൊരു പ്രാര്‍ത്ഥനാ ഗാനം..
ഇത്തരമൊരു പ്രാര്‍ത്ഥന അധികം പേരും കേട്ടിരിക്കാന്‍ ഇടയില്ല.

വേദനിക്കില്ല ഞാന്‍ ജീവിതം തന്നൊരു നോവുകളോര്‍ത്തൊരുനാളും
ഏറിടും വിശ്വാസമേകിടും മൊഴികളെന്നാലംബമാകുന്നുവെന്നും..

ചുറ്റും നിറയുന്ന ദിവ്യപ്രകാശമേ കരുണയാലെന്നെപ്പുണരൂ
കാറ്റായ് വന്നെന്‍ കവിളില്‍ തലോടി നിന്നാശ്വാസ വചനം ചൊരിയൂ

വിശ്വം ചലിക്കും നിന്റെ കൈക്കുമ്പിളില്‍ വിസ്മയ തേജസ്സിനുള്ളില്‍..
അലിയിച്ചിടുന്നെന്റെ വേദനയെല്ലാം സര്‍വശക്താ നിന്റെ മുന്നില്‍..

സത്യ ധര്‍മങ്ങള്‍തന്‍ വീചികള്‍ തീര്‍ക്കുന്ന ചിന്തകളാവട്ടെയെന്നും
സൌഖ്യമായെത്തും പ്രപഞ്ചചൈതന്യമേ,നിന്‍ മുന്നിലെന്റെ പ്രണാമം!
നിന്‍ മുന്നിലെന്റെ പ്രണാമം!!നിന്‍ മുന്നിലെന്റെ പ്ര..ണാ...മം!!!

കഠിനമായ വേദന തിന്നുന്ന ഒരുകൂട്ടം ജീവിതങ്ങളുടെ പ്രാര്‍ത്ഥനയാണിത്...

വേദനയും, ഒറ്റപ്പെടലും, ഗതികേടും വിധിവിഹിതമായി ലഭിക്കുന്ന ചില ജന്മങ്ങളുണ്ട്..........
ക്രൂരയാഥാര്‍ത്ഥ്യങ്ങളെ നിത്യവും നേരിടുന്നവര്‍... കീഴടക്കാന്‍ കാത്തിരിക്കുന്ന മരണത്തെ ദിനവും മുഖാമുഖം കാണുന്നവര്‍... അടുത്ത പുലരിയിലെ വേവലാതികളിലേക്ക് ഉണര്‍ന്നെഴുന്നേല്‍ക്കുന്നവര്‍....
അവശേഷിപ്പിച്ചു പോകുന്ന പ്രിയപ്പെട്ടവരെക്കുറിച്ച് നെഞ്ചില്‍ നെരിപ്പോട് കൊണ്ടു നടക്കുന്നവര്‍.
ഉള്ളിലെരിയുന്ന ഉമിത്തീയുമായി,കനലില്‍ ചവുട്ടി, ശ്വാസം വിലങ്ങി ജീവിക്കുന്ന ഉറ്റവര്‍...

ജീവിത്തിരക്കുകളില്‍ നിങ്ങളും ഞാനും മറന്നു പോകുന്നവരാണിവര്‍. പത്രങ്ങളിലെ സഹായ അപേക്ഷകളായും കേട്ടു മറക്കുന്ന കദനകഥകളായും വല്ലപ്പോഴും മാത്രം നമ്മുടെയൊക്കെ ജീവിതങ്ങളില്‍ പ്രത്യക്ഷപ്പെടുന്നവരാണിവര്‍.

അവര്‍ക്കു വേണ്ടി സ്വയം സമര്‍പ്പിച്ച ചില സുമനസ്സുകളുണ്ട്. അനന്തമായ ജീവിതത്തിരക്കുകളിലും അനാഥര്‍ക്കു വേണ്ടി അല്‍പ്പസമയം മാറ്റിവെച്ചവര്‍.
സഹജീവികളോടുള്ള കാരുണ്യത്തിന്റെ ഉറവ ഇനിയും വറ്റാത്ത, മനുഷ്യസ്നേഹികളിലൊരാളിന്റെ സാമൂഹികപ്രതിബദ്ധതയുടേ നിദാനമായി ഒരു സ്ഥാപനം.

അതാണ് ആല്‍ഫ പെയിന്‍ ക്ലിനിക്...

ആത്മഹത്യ ചെയ്ത ഒരു ബാര്‍ബറുടെ ജീവിതവൃത്തിക്കു മാര്‍ഗ്ഗമില്ലാതെ വിധവയ്ക്കും ശാരീരികവൈകല്യമുള്ള കുട്ടികള്ള കുടുംബത്തിനും തണലു നല്‍കാനാരംഭിച്ച ചെറിയൊരു പ്രസ്ഥാനം, കാരുണ്യത്തിന്‍റെ സഹായഹസ്തം... അശരണരായ കുടുംബങ്ങളില്‍ നിന്നും കുടുംബങ്ങളിലേക്ക് വളര്‍ന്നു നന്മയുടെ ആല്‍മരമായി.
ആല്‍ഫ പെയിന്‍ ക്ലിനിക്ക് 2004ല്‍ നടത്തിയ സഹായം ലഭിക്കുന്ന അശരണരുടെ കൂട്ടായ്മയില്‍ തിരിച്ചറിഞ്ഞ, കണ്ണുതുറപ്പിക്കുന്ന ചില യാഥാര്‍ത്ഥ്യങ്ങള്‍ പാലിയേറ്റീവ് കെയറിലെ കരുണാമയമായ ഒരു സംരഭത്തിനു തുടക്കം കുറിച്ചു...

ചികിത്സോന്മുഖ മരുന്നുകളെയും പ്രതിരോധമരുന്നുകളുമല്ലാതെ, വേദനാസംഹാരികളെയും ആശ്വാസമരുന്നുകളെയും ആശ്രയിക്കുന്ന മരണാസന്നരുടെ ശിഷ്ട ജീവിത വേദനകള്‍ അല്‍പ്പമെങ്കിലും കുറയ്ക്കുന്നതിനും ആശ്വാസം പകരുന്നതിനുമുള്ള സംരംഭം....

ആല്‍ഫ പാലിയേറ്റീവ് കെയര്‍ വ്യത്യസ്തമാകുന്നത് പല തലങ്ങളിലാണ്...

രോഗഗ്രസ്തരും, അവരുടെ കുടുംബങ്ങളും നിരന്തരം നേരിടുന്ന വൈകാരികവും സാമ്പത്തികവും സാമൂഹികവുമായ കഠിനയാഥാര്‍ത്ഥ്യങ്ങളെ പൂര്‍ണ്ണമായും കണക്കിലെടുക്കുന്ന സമഗ്ര സമീപനത്തിലാണ് , അവരുടെ നിത്യജീവിതത്തില്‍ മെഡിക്കല്‍ പ്രൊഫഷണലുകളുടെയും സാധാരണക്കാരുടേയും കൂട്ടായ്മ പകരുന്ന സാന്ത്വനത്തിലാണ്, വേദനയില്‍ നിന്നും മറ്റ് ശാരീരികാസ്വസ്ഥകളില്‍ നിന്നും മോചനം നല്‍കുന്നതിനുള്ള പരിചരണത്തിലും, വൈകാരിക പിന്തുണയിലും, കൌണ്‍സിലിങ്ങിലുമാണ്.

വിശദവിവരങ്ങള്‍ ഇവിടെ വായിക്കാവുന്നതാണ്.
www.alphapainclinic.in

കാരുണ്യവും ദയയും സഹജാവബോധവും പലപ്പോഴും പരിമിതികളെ നേരിടുന്നത് സാമ്പത്തിക പ്രശ്നത്തിലാണ്. ..
തന്നാലാകുന്ന ചെറിയ സഹായങ്ങള്‍, രോഗഗ്രസ്തരും പീഡിതരുമായ ജന്മങ്ങള്‍ക്ക് നല്‍കുന്ന ആശ്വാസമെന്തെന്ന് തിരിച്ചറിയുന്നവരുടെ പ്രാധാന്യം വര്‍ദ്ധിക്കുന്നതിവിടെയാണ്. ചില്ലറകളായും നോട്ടുകളായും പാഴായി പോകുന്ന പണത്തിലൊരു പങ്ക്.... അത് കൈമാറുന്നതിനുള്ള മനസ്സ്..... അത് ചില ജീവിതങ്ങളിലെങ്കിലും വലിയ വ്യത്യാസം വരുത്തും.

ചെറുതോ വലുതോ... കാരുണ്യത്തിന്‍റെ ഒരു മൃദുസ്പര്‍ശം, ഞാനും നിങ്ങളും ജീവിക്കുന്ന വര്‍ണ്ണശബളവും, ആഘോഷനിര്‍ഭരവുമായ ലോകത്തോടും, നെഞ്ചില്‍ നെരിപ്പോടായെരിയുന്ന ഉറ്റവരോടും വിട പറയാന്‍ കാത്തു നില്‍ക്കുന്നവര്‍ക്ക് അല്‍പ്പം ആശ്വാസമേകിയാല്‍.......

ദൈവികമായ ഒരു പുണ്യസ്പര്‍ശം മനസ്സിനെ തൊട്ടുണര്‍ത്തിയാല്‍ ആര്‍ക്കും ചെയ്യാന്‍ സാധിക്കുന്ന ഒന്ന്.
നിത്യജീവിതത്തില്‍ പലപ്പോഴും കാണാമറയത്തായി പോകുന്ന മനസ്സാക്ഷിയുടെ ചില ചുമതലകള്‍ ,നിറവേറലിനായി കാത്തു നില്‍ക്കുന്നു...
സഹായമാവശ്യമുള്ളവരേറെയും വിഭവങ്ങള്‍ പരിമിതവുമാകുമ്പോള്‍ പ്രത്യേകിച്ചും...

ഒറ്റയാള്‍ പ്രസ്ഥാനമായിരുന്നു ആല്‍ഫ. കാരുണ്യം തേടുന്നവരുടെ എണ്ണം കൂടിയപ്പോള്‍ അവര്‍ക്ക് ശരിയായ സേവനം സൌജന്യമായി നല്‍കാന്‍ പുറത്തുനിന്ന് സഹായം കൂടിയേ തീരൂ എന്നായി. ഇന്ന് ആല്‍ഫ പരിചരിക്കുന്ന ആയിരതിലധികം പേരില്‍ എത്രയോ പേര്‍ ഒരോ മാസവും മരിക്കുന്നു.. അതിലുമെത്രയോഅധികം പുറത്ത് കാത്തുനില്‍ക്കുന്നു.. ഒരിറ്റ് കാരുണ്യത്തിനായി.

ഇപ്പോള്‍ ജീവിതത്തില്‍ രോഗം മൂലം ഒറ്റപ്പെട്ടുപോയ ഈ ജീവിതങ്ങല്‍ക്ക് സഹായത്തിനായി ഒരു മെമ്പര്‍ഷിപ് കാമ്പെയിന്‍ നടക്കുന്നു...
കൊല്ലത്തില്‍ 500ദിര്‍ഹം അതായത് ഏകദേശം 6250രൂപ, കൂടുതല്‍ തരാന്‍ സുമസ്സുള്ളവര്‍ക്കതാവാം. ഇനി നിങ്ങള്‍ക്ക് 100രൂപയേ തരാനാവുന്നുള്ളുവോ അതും സ്വാഗതം.
ദാനത്തിനുള്ള ആ മനസ്സാണ് പ്രധാനം...

പറയൂ..... ആദ്യം നിങ്ങളുടെ മനസാക്ഷിയോട് ....പിന്നെ അടുത്തവരോട്.. പിന്നെ സുഹൃത്തുക്കളോട്..

മരണം കാത്തിരിക്കുന്ന ഒരു രോഗിയ്ക്ക് ഒരിറ്റു സന്തോഷം കൊടുക്കാന്‍..രോഗം കാര്‍ന്നു തീര്‍ത്ത മനസ്സും ശരീരവും വേദനാ രഹിതമാക്കാന്‍.. ഉറ്റവരുടെ രോഗം മൂലം എല്ലാവിധത്തിലും തകര്‍ന്നുപോയ കുടുംബാംഗങ്ങളുടെ ചുണ്ടില്‍ ഒരു ചിരി വിരിയാന്‍.. അടുത്ത ബന്ധുവായി ഒരു മാറാരോഗി വീട്ടിലുണ്ടായതുകൊണ്ടു മാത്രം, നിവൃത്തികേടുകോണ്ട് തിരസ്കരിക്കപ്പെടാന്‍ വിധിക്കപ്പെട്ട കുരുന്നു ബാല്യങ്ങളിലെ പ്രതീക്ഷയാവാന്‍... ഒരു പക്ഷേ, നിങ്ങളുടെ ഒരു നോക്ക്, ഒരു വാക്ക്, ഒരു വിഹിതം കാരണമാ‍യേക്കാം...

പ്രതീക്ഷിക്കുന്നു, നിങ്ങളാലാകുന്ന സഹായം....

കൂടുതല്‍ വിവരങ്ങള്‍ അറിയാന്‍ താല്പര്യമുള്ളവര്‍ ദയവായി ബന്ധപ്പെടുമെന്ന് കരുതുന്നു.

നന്ദി: ആല്‍ഫ ചെയര്‍മാന്‍ ശ്രീ നൂര്‍ദ്ദീനും പ്രിയപ്പെട്ട ഒരു സുഹൃത്തിനും..

കൌമാരത്തിന്റെ കുഞ്ഞ് കുസൃതികള്‍..

2010-03-07T07:57:00.000-08:00

ഇത് നിതിന്‍.. ഞങ്ങളുടെ വാവ.

ഗജനി കത്തി നില്‍ക്കുന്ന കാലം..
പിന്നാലെ നടപ്പായിരുന്നു, ഹെയര്‍ സ്റ്റൈല്‍ ആമീര്‍ ഖാനെ പോലെ ആക്കാന്‍.അവസാനം സമ്മതം മൂളി. ഉടന്‍ തന്നെ ദേ വന്നു ഗജനി ഹെയര്‍ കട്ട്....

പിറ്റേന്ന് കമ്പ്യൂട്ടര്‍ മോണിട്ടറില്‍ സ്ക്രീന്‍ സേവര്‍ കണ്ട് ഞങ്ങളൊന്ന് ഞെട്ടി.. ആരെടാ ഇവന്‍!!
സ്വയം കരവിരുത്.

G Tex ല്‍ ഒന്ന് ചെത്താന്‍ പോയതാ :) കുട്ടികളെ കയറ്റില്ല.. എന്നാലും വാപ്പിച്ചി ഒരു വിധത്തില്‍ ഒപ്പിച്ചു.. പിന്നത്തെ സന്തോഷം പറയാനുണ്ടൊ?

ഈയിടെ ഒരു തോന്നല്‍.. മുടി ഒന്നു സ്ട്രൈറ്റ് ആക്കിയാലോ..
പിന്നാലെ നടന്ന് അതും സാധിച്ചു.. പത്തിലെ പരീക്ഷയ്ക്ക് നല്ല മാര്‍ക്ക് വാങ്ങിക്കോളാം അതാണ് കരാര്‍.
പരീക്ഷ തുടങ്ങി. എന്താകുമോ എന്ന് റിസല്‍റ്റ് വരുമ്പോള്‍ അറിയാം.

ഇന്ന് വാവയ്ക്ക് 15 വയസ്സ് തികയുന്നു. ഈ ജന്മദിനത്തില്‍ അവനായി ഒരു കുഞ്ഞു പോസ്റ്റ്.
മനസ്സ് നിറഞ്ഞ പ്രാര്‍ത്ഥനയും ആശംസകളും.

അനന്ത വിഹായസ്സിലേക്ക്...............

2010-02-20T03:10:00.000-08:00

സ്വാതന്ത്ര്യത്തിന്റെ ആനന്ദം...
കുളിച്ച് കുടഞ്ഞ് പറന്നകലുന്ന സീഗള്‍..

മനുഷ്യന്റെ ക്രൂരത.. പിടിച്ചു കെട്ടിയിട്ടു, ദിവസങ്ങളോളം.. എത്ര ബുദ്ധിമുട്ടിയെന്നൊ ഒന്നു രക്ഷപ്പെടാന്‍!!

നടക്കാന്‍ നല്ല ബുദ്ധിമുട്ടുണ്ട്. സാരല്യ.. രക്ഷപ്പെട്ടല്ലോ...

കാലില്‍ കെട്ടുണ്ടെങ്കിലെന്താ....ഒന്നു പറന്ന് നോക്കട്ടെ...

ഹാവൂ ആശ്വാസായി ....

ഈ സ്വാതത്ര്യം അതൊരു സുഖാ.. പറഞ്ഞറിയിക്കാനാവില്ല.. അനുഭവിച്ച് തന്നെ അറിയണം.

അസ്മദീയം ( ഞങ്ങളുടേത്)
ഇത് ഞങ്ങളുടെ ഫോട്ടോ പോസ്റ്റ് ഒന്നാം ഭാഗം

ഓടിവരൂ.... അടിക്കുറിപ്പെഴുതൂ.. സമ്മാനം വാങ്ങൂ..

2010-01-11T02:21:00.001-08:00

പുതുവര്‍ഷമല്ലേ.. എല്ലായിടത്തും പലതരം ഗോമ്പറ്റീഷന്‍. അപ്പൊ പിന്നെ ഞാനും ഒന്നു നടത്തട്ടെ.
എല്ലാരും ഈ പോട്ടങ്ങളൊന്നു നോക്കിക്കെ.. എന്നിട്ടോരോ അടിക്കുറിപ്പും അങ്ങു എഴുതിക്കോ.....

ദേ മുകളില്‍ വണ്ടി ഓടിക്കാന്‍ പഠിക്കുന്ന ഒരു കൊച്ച് കുട്ടി !

ദേ താഴെ കൊട്ടിപ്പഠിക്കുന്ന ഒരു പാവം ഒറ്റക്കണ്ണന്‍ !

ഇത് ഉപ്പേരിയുടെ കഥ പറയുന്ന കവി

എന്നാലും എന്റെ കൈപ്പ്സ് ഇത്രേം വേണ്ടിയിരുന്നില്ല. അതും ആ പാവം വാവയെ കൊണ്ട് തന്നെ പിടിച്ചു നിര്‍ത്തിച്ച് ഇങ്ങനെ ഇടിക്കണോ !! വല്ല വിരോധവും ഉണ്ടായിരുന്നെങ്കില്‍ പറഞ്ഞു തീര്‍ത്താല്‍ പോരായിരുന്നോ??
ദേ ഒരു കാര്യം ആദ്യമേ പറഞ്ഞേക്കാം.. ഈ പോട്ടമിവിടെ ഇട്ടതിന് എന്റെ പേരില്‍ കേസൊന്നും കൊടുക്കല്ലേ... ബ്ലീ‍ീ‍ീ‍ീ‍ീ‍ീ‍ീ‍ീ‍ീസ് :) :)

ബെസ്റ്റ് അടിക്കുറിപ്പിന് സമ്മാനം..

സമ്മാനം എന്താണെന്നോ?? ങൂഹും..അതിപ്പോള്‍ പറയുന്നില്ല.

ചരിത്രമുഹൂര്‍ത്തത്തിന് സാക്ഷിയായ്.....

2010-01-04T12:41:00.000-08:00

ബുര്‍ജ് ഖലീഫ

04.12.2010 രാത്രി 8 മണിക്ക് ബുര്‍ജ് ദുബൈ ഉല്‍ഘാടനം....
ഡൌണ്‍ ടൌണ്‍ ദുബായിയില്‍ ഈയൊരു മഹാസംരംഭത്തിനു സാക്ഷ്യം വഹിക്കാന്‍ കൂടിനിന്നവരേയും, ലോകമെമ്പാടും ലൈവ് ആയി ഈ ദൃശ്യം ആസ്വദിച്ചിരുന്നവരേയും അതിശയപ്പെടുത്തിക്കൊണ്ട്, ഹിസ് ഹൈനസ് ഷൈക്ക് മുഹമ്മദ് ബിന്‍ റാഷിദ് അല്‍ മഖ്തൂം 828 മീറ്റര്‍ ഉയരമുള്ള ഈ അംബര ചുംബിയെ ബുര്‍ജ് ഖലീഫയായി പ്രഖ്യാപിച്ചു കൊണ്ട് ഉല്‍ഘാ‍ടനകര്‍മം നിര്‍വഹിച്ചു. ആരും പ്രതീക്ഷിക്കാതിരുന്ന ഒരു പുനര്‍നാമകരണം...
ഉല്‍ഘാടനത്തിനു തൊട്ടുമുന്‍പ് വരെ എല്ലാ മീഡിയകളും ബുര്‍ജ് ദുബൈ എന്നു തന്നെ പേരു വിളിച്ചു കൊണ്ടിരുന്ന ഈ ആകാശഗോപുരത്തിന്റെ പുതിയ പേര് ഉല്‍‍‍ഘാടനകര്‍മം നിര്‍വഹിക്കുന്നതു വരെ എല്ലാവര്‍ക്കും അജ്ഞാതമായിരുന്നു എന്നുള്ളത് മറ്റൊരതിശയം!! ദുബായ് ഭരണാധികാരി എന്നും അങ്ങനെയാണ്.. സ്വന്തം ജനതയ്ക്ക് അതിശയങ്ങള്‍ സമ്മാനിക്കുന്ന, സ്വപ്നങ്ങള്‍ സമ്മാനിക്കുന്ന രാജകുമാരന്‍.. അദ്ദേഹം എന്നു അവരുടെ പ്രിയ പുത്രന്‍...

ഇതാ, ഇവിടെ...
ചില ഉല്‍ഘാടന ദൃശ്യങ്ങളിലൂടെ ഒരു യാത്ര...നിങ്ങള്‍ക്കായി.......

പൊന്നില്‍ കുളിക്കുന്ന ഗോപുരം..

ലൈറ്റുകളും ഫൌണ്ടനുകളും തീര്‍ക്കുന്ന മാസ്മരിക അനുഭവം..

അഡ്രസ്സ് ഹോട്ടല്‍ സമുച്ചയം..

ലോകത്തിലെ ഏറ്റവും ഉയരം കൂടിയ ഫൌണ്ടനും ദുബൈയ്ക്ക് സ്വന്തം..

ഇലക്ട്രിഫൈയിങ്ങ് ടവര്‍..

പുളകം വിരിഞ്ഞ രാത്രി...

അപാര വലിപ്പമുള്ള ഒരു ഫ്ലോട്ടിങ് ഓര്‍ക്കിഡ് ശില്‍പ്പം..

ബുര്‍ജ് ദുബൈ - ഒരു ചെറിയ കുറിപ്പ്

2010-01-04T04:15:00.000-08:00

യു എ ഇ നിവാസികളില്‍ പലരും ആകാംഷയോടെ കാത്തിരുന്ന ഒരു ദിവസം. ലോകത്തിലെ ഏറ്റവും ഉയരം കൂടിയ ടവര്‍ എന്നു വിശേഷിക്കപ്പെടുന്ന, ദുബൈയുടെ സ്വന്തം “ബുര്‍ജ് ദുബൈ” ഇന്നു രാഷ്ട്രത്തിനു സമര്‍പ്പിക്കപ്പെടുന്നു. ദുബായ് ഭരണാധികാരിയായി ഹിസ് ഹൈനസ് ഷൈക്ക് മുഹമ്മദ് ബിന്‍ റാഷിദ് അല്‍ മഖ്തൂം അധികാരമേറ്റെടുത്തിട്ട് ഇന്നു നാലു വര്‍ഷം തികയുന്നു. ആ ദിവസം തന്നെ ആണ് ഇതിന്റെ നിര്‍മാതാക്കളായ ഇമ്മാര്‍ പ്രോപ്പര്‍ട്ടീസ് ഉല്‍ഘാടനത്തിനായി തിരഞ്ഞെടുത്തത്. വൈകീട്ട് നടക്കാന്‍ പോകുന്ന ഉല്‍ഘാടന പരിപാടികളെക്കുറിച്ചുള്ള പ്രസ്സ് കോണ്‍ഫറന്‍സ് രാവിലെ മന്ദിരത്തിന്റെ നൂറ്റി ഇരുപത്തിനാലാം നിലയില്‍ നടക്കുകയുണ്ടായി. അവിടെ നിന്നുള്ള ചില ദൃശ്യങ്ങള്‍ ചൂടാറാതെ നിങ്ങള്‍ക്കായി ഷംസുക്കയുടെ ക്യാമറയിലൂടെ....

ആകാശ ഗോപുരം

ഉയരങ്ങളില്‍ നിന്ന് ഉടന്‍ തന്നെ വിവരങ്ങള്‍ ലാപ് ടോപ്പിലൂടെ പറക്കുന്നു..

Emaar Properties സി ഇ ഒ & ചെയര്‍മാന്‍‍ മുഹമ്മദ് അലി അബ്ബാര്‍ പത്രലേഖകരോട് സംസാരിക്കുന്നു

ബുര്‍ജ് ദുബൈയെ പറ്റി കൂടുതല്‍ വിവരങ്ങള്‍ അറിയാന്‍ ഇവിടെ നോക്കുക.
http://en.wikipedia.org/wiki/Burj_Dubai
http://www.burjdubai.com/

വസന്തത്തിന്‍ ഇടിമുഴക്കം....

2009-12-25T09:22:00.000-08:00

കനത്ത ഒരു ഇടി മുഴക്കമായിരുന്നു ഇന്നത്തെ ക്രിസ്തുമസ് ദിന ഉറക്കം ഉണര്‍ത്തിയത്. നോക്കിയപ്പോള്‍‍ നേരം 6.30. മിന്നല്‍ക്കൊടികള്‍ തേരാ പാരാ. ഷംസിനെ കാണാനില്ല. ഓടിവന്നു നോക്കി. മുന്‍ വശത്തെ വാതില്‍ തുറന്നു കിടക്കുന്നു. ങേഹെ ആളില്ല !!. വീണ്ടും ഓടി ടെറസ്സിലേക്ക്... അപ്പൊള്‍ ഉണ്ടേടാ, ദേ റേയിന്‍ കോട്ടും ഒക്കെ ഇട്ടു ക്യാമറാ സ്റ്റാന്റും തൂക്കി ആള്‍ റൂഫ് ടോപ്പില്‍ നിന്നും വരുന്നു...

ഹൊ......മനുഷ്യനെ പേടിപ്പിച്ച് കളഞ്ഞല്ലോ!!!

ങ്ഹും ഞാന്‍ ഒന്നു പേടിച്ചാലെന്താ‍ ഈ പോട്ടം കിട്ടിയല്ലോ, ചിതല്‍ മൂടി കിടന്ന അസ്മദീയം ഒന്നു ഇടിച്ചു നിരത്താന്‍ :)
ആറ് മാസമായി അനക്കമില്ലാതെ കിടന്ന ഇവിടെ ഒരു കുഞ്ഞു ഫോട്ടോ പോസ്റ്റ്.

വീട്ടില് നല്ല ഫോട്ടോഗ്രാഫെര്‍മാര്‍ ഉണ്ടായിപ്പോയതിന്റെ ഒരു ഗതികേടേ!!!!
എനിയ്ക്കൊരു നല്ല പടമെടുത്ത് പോസ്റ്റാന്‍ വയ്യാണ്ടായി ഇപ്പോള്‍.
കഷ്ടപ്പെട്ട് ബുദ്ധിമുട്ടി ഞാന്‍ ഒരു പോട്ടം പിടിച്ച് പോസ്റ്റിയാലും എല്ലാരും പറയും “ഓഹ് ഇതു ഷംസുക്കാടെ അല്ലെങ്കില്‍ വാവയുടെ അതുമല്ലെങ്കില്‍ അപ്പുവിന്റെ പടമാ‍... ”

ശൊ അതോണ്ട് ഞാനാ പരിപാടി അങ്ങ് വേണ്ടാന്നു വെച്ചു... അല്ലാതെന്തു ചെയ്യാന്‍ :) :)

ഒരു ഓര്‍മ.. ഓര്‍മപ്പെടുത്തലും..

2009-06-11T04:30:00.000-07:00

“മാഡം.. മേം മുലൂക്ക് മെ ധാ. കല്‍ ആയാ. സബ് ലോഗ് ഠീക് ഹെ ഉധര്‍” നാട്ടില്‍ പോയി വന്നതിനു ശേഷം കുശലം പറയാനെത്തിയതാണ് ട്രക്ക് ഡ്രൈവര്‍ നസിറുദ്ദീന്‍...

പാക്കിസ്ഥാനില്‍ പോയി തിരിച്ചു വന്ന് എന്നെ കാണാന്‍ വന്നതാണ്.

“മകനെ കൊണ്ടുവന്നിട്ടുണ്ട് ഇനി ലൈസന്‍സ് എടുപ്പിച്ചു ഈ വണ്ടി ഒക്കെ അവനെ ഏല്‍പ്പിച്ച് മടങ്ങണം. ഇനി പോയാല്‍ തിരിച്ചു വരില്ല മാഡം. മതിയായി, മുപ്പത് കൊല്ലായി ഇവിടെ”

പിന്നെ ഇടക്കിടക്ക് കാണും.. പണി ചെയ്തതിന്റെ കൂലി വാങ്ങാന്‍ വരുമ്പോള്‍.എപ്പോള്‍ ഒഫീസ്സില്‍ വന്നാലും കാ‍ണാന്‍ വരും.

മകന്‍ ഇസ്ലാമുദ്ദീന് ലൈസന്‍സ് കിട്ടിയതിന്റെ സന്തൊഷം പങ്കിടാന്‍ ജിലേബിയുമായി വന്നു നസ്രുദ്ദീന്‍. അന്നയാള്‍ ഒരുപാട് സന്തോഷിച്ചിരുന്നു. ഒരു ഭാരം ഇറക്കി വെച്ചപോലെ.

പിന്നെ, പണി ഉണ്ടാവുമ്പോള്‍ വന്നിരുന്നത് മകനായിരുന്നു. കാര്യങ്ങള്‍ എല്ലാം പഠിച്ചോ എന്ന ചോദ്യത്തിനു അവന്‍ തലയാട്ടും.

ബാപ്പയെപ്പോലെ തന്നെ മകനും. പണി കൃത്യം.. കൂലിയും മിതം.

പിന്നീട് നസ്രുദ്ദീന്‍ വന്നത് യാത്ര പറയാനായിരുന്നു.

“യെ ജുമാഹ് കാ ദിന്‍ മെം ജായേഗാ മാഡം.. വാപസ് നഹീ അയേഗാ... യാദ് കരേഗാ ആപ്കാ” കുറച്ചു നേരം വര്‍ത്തമാനം പറഞ്ഞതിനു ശേഷം ,കിട്ടാനുള്ള പൈസയും വാങ്ങി, യാത്ര പറഞ്ഞ് നസ്രുദ്ദീന്‍ പോയി...
ഞാന്‍ എല്ലാ മംഗളങ്ങളും അയാള്‍ക്ക് നേര്‍ന്നു.

അന്നൊരു തിങ്കളാഴ്ച്ച ആയിരുന്നു.വൈകീട്ട് വീട്ടിലേക്ക് മടങ്ങുമ്പോള്‍ എക്സ്പോര്‍ട്ട് ഡെലിവറി ഡോക്കിനടുത്ത് ഒരാള്‍കൂട്ടം, ആംബുലന്‍സ് വന്നിട്ടുണ്ട്.

ഇടക്കിത് പതിവായതിനാല്‍ കാര്യമാക്കിയില്ല. ചെറിയ അപകടങ്ങള്‍ പതിവാണ് അവിടെ.

പിറ്റേന്ന് രാവിലെ ഓഫീസിലേക്ക് വരാന്‍ തയ്യാറാവുമ്പോഴാണ് സഹപ്രവര്‍ത്തകന്റെ ഫോണ്‍..

“മാഡം അറിഞ്ഞില്ലേ.. ഇന്നലെ വൈകീട്ട് കാര്‍ഗോ വില്ലേജില്‍ ഉണ്ടായ ആക്സിഡന്റില്‍ നമ്മുടെ നസ്രുദ്ദീന്റെ മേല്‍ പാലറ്റ് വീണു. മറ്റൊരാളെ, അതിറക്കാന്‍ സഹായിക്കാന്‍ ചെന്നതായിരുന്നു. പാലറ്റ് മറിഞ്ഞു, നെഞ്ചിലാ വീണത്. ഉടന്‍ ഹോസ്പിറ്റലില്‍ കൊണ്ടുപോയെങ്കിലും കാര്യായില്ല ഇന്ന് രാവിലെ മരിച്ചു!” വിശ്വസിക്കാനായില്ല. തരിച്ചിരുന്നു പോയി.

പിന്നീടറിഞ്ഞു, വണ്ടിയില്‍ ലോഡുമായി വന്നതാണ് നസ്രുദ്ദീന്‍. അപ്പുറത്ത് കണ്ടെയ്നറില്‍ നിന്ന് പാലറ്റുകള്‍ ഇറക്കിക്കൊണ്ടിരിക്കുന്നു. അപ്പോഴാണ് അയാള്‍ കണ്ടത് ഒരു പാലറ്റ് മുകളില്‍ നിന്നു മറിഞ്ഞു വീഴാറയിരിക്കുന്നു. വീണാല്‍ താഴെനില്‍ക്കുന്നവന്‍ അടിയിലാ‍വും. ഓടിച്ചെന്നതാ അവനെ രക്ഷിക്കാന്‍...!

ആ വെള്ളിയാഴ്ച്ച, നസ്രുദ്ദീന്‍ നാട്ടിലേക്കു തിരിച്ചു പോയി.. ഇനി ഒരിക്കലും തിരിച്ചുവരാത്ത യാത്ര. പക്ഷേ.....

ബോഡി കാണാന്‍ പോയില്ല, എനിക്കു കാണണ്ട. നാട്ടിലേക്കു മടങ്ങി പോകുന്നതിന്റെ സന്തോഷം പങ്കുവെക്കാന്‍ വന്ന ആ മനുഷ്യന്റെ മുഖത്തെ ആനന്ദം എന്റെ കണ്ണിലുണ്ട്, അതുമതി...

“ഇന്ന് ഞാന്‍ നാളെ നീ, ഇന്ന് ഞാന്‍ നാളെ നീ..
ഇന്നും പ്രതിദ്ധ്വനിയ്ക്കുന്നിതെന്നോര്‍മ്മയില്‍.. " ജി യുടെ പ്രസിദ്ധമായ വരികള്‍‍ ഓര്‍മ്മയില്ലേ………

ഓഫീസ്സിലെ ജനലിലൂടെ പുറത്തേക്കു നോക്കുമ്പോള്‍ എന്നും കാണുന്ന കാഴ്ചകളിലൊന്നാണ് ശവമഞ്ചവുമായി വരുന്ന ആംബുലന്‍സ്. അതു കാണുമ്പോള്‍ മനസ്സില്‍ ഒരു ആന്തലാണ്. ചില ദിവസങ്ങളില്‍ എണ്ണം കൂടും. മറ്റു ദിവസങ്ങളില്‍ ഒന്നോ രണ്ടോ. രാത്രികളിലായിരിക്കും അധികം, കാരണം കൂടുതല്‍ ഫ്ലൈറ്റ് പോകുന്നത് ആ നേരങ്ങളിലാണ്. എംബാം ചെയ്ത സ്വന്തം ശരീരവുമായി സ്വദേശത്തേക്ക് അവസാന യാത്രക്കെത്തുന്നവര്‍. ഇവരെ സ്വീകരിക്കാന്‍ കാര്‍ഗൊ വില്ലേജില്‍ പ്രത്യേക ഡോക്ക് തന്നെ ഉണ്ട്. വളരെ ഫാസ്റ്റ് ആണ് കാര്യങ്ങള്‍, ഒരു താമസ്സവുമില്ല. കാത്തു നില്‍ക്കണ്ട, വഴക്കുപിടിക്കണ്ട…
ആംബുലന്‍സ് വന്നു നില്‍ക്കുന്നു, ബോഡി ഇറക്കുന്നു, ഡിനാറ്റ സ്റ്റാഫ് ഡൊക്യുമെന്റ്സ് പരിശൊധിക്കുന്നു. .എയര്‍ലൈനിന്റെ റെപ്രസന്റേറ്റിവ് വരുന്നു, എല്ലാം ഫടാ ഫട്.
ബോഡി കാര്‍ഗോ ആയിട്ടാണ് പോണതെങ്കിലും ടിക്കറ്റ് നിര്‍ബന്ധം!!.
അവസാന യാത്ര, ഒരു കാര്‍ഗോ ആയി നേരെ ഫ്ലൈറ്റിലെക്ക്…..
സാധാരണ ആയി ഫ്ലൈറ്റ് ലോഡിങ് സമയത്തിനുകുറച്ച് മുന്‍പേ ശവമഞ്ചങ്ങള്‍ എത്താറുള്ളൂ.കാത്തു നില്‍ക്കാനൊന്നും നേരമില്ല..നാ‍ട്ടില്‍ കാത്തിരിക്കുന്ന പ്രിയപ്പെട്ടവര്‍ക്കൊരുനോക്കു കാണാന്‍.. ഒന്നുമ്മ വെക്കാന്‍.. അവസാനമായി ഒരു പിടി മണ്ണിടാന്‍... യാത്രയാകുന്നു. അവസാനത്തെ പറക്കല്‍.
പലപ്പോഴും ജോലിയുടെ ഭാഗമായി ഇത് കാണാനിടവരാറുണ്ട്. പെട്ടിയില്‍ പേരും നാടും ഒക്കെ എഴുതി ഒട്ടിച്ച്, കാര്‍ഗോ അയയ്ക്കുന്നതിന്റെ എല്ലാ ചടങ്ങുകളുമായി... ഒരു യാത്ര.
അന്നു വരെ ഈ ജോലി ചെയ്തിരുന്ന ഒരു പരിചയക്കാരന്‍ മൂന്നാല് ദിവസങ്ങള്‍ക്ക് ശേഷം അതു വഴി തന്നെ തണുത്തുറഞ്ഞ് പോകുന്നത് കണ്ടുനില്‍ക്കേണ്ടി വന്നിട്ടുണ്ട്.

വരും നാളുകളില്‍.... ഒരു പക്ഷേ ഞാനും നിങ്ങളും ഇതേ വഴി പോയേക്കാം......

ഒരു ദിവസം തിരിച്ചു പൊക്ക്, അത് അനിവാര്യമാണല്ലോ എല്ലാവര്‍ക്കും.

എത്രപേര്‍ ഇതോര്‍ക്കുന്നു...

ആദരാഞ്ജലികള്‍..

2009-05-30T20:14:00.000-07:00

“എന്റെ കഥാ“കാരിക്ക് ആദരാഞ്ജലികള്‍....

ഇന്നു പെയ്ത മഴയില്‍....

2009-03-25T10:20:00.000-07:00

ഒട്ടും പ്രതീക്ഷിക്കാതെ ആര്‍ത്തലച്ചു വന്നു, പെയ്തു പോയ ഇന്നത്തെ മഴയില്‍ കിട്ടിയത്, ആകാശത്തു വിരിഞ്ഞ ഒരു മിന്നല്‍ക്കൊടി.

ആലിപ്പഴങ്ങള്‍ വീണിരുന്നു.. കയ്യിലെടുത്തപ്പോളേക്കും അലിഞ്ഞില്ലാതായി.

ഒരു ലേലത്തിന്റെ ബാക്കി പത്രം.

2009-03-08T07:44:00.000-07:00

നമ്മുടെ രാഷ്ട്രപിതാവിന്റെ ചില സ്വകാര്യ വസ്തുക്കളുടെ ലേലം ന്യുയോര്‍ക്കില്‍ നടക്കുന്നു എന്ന പ്രഖ്യാപനം വന്നതു മുതല്‍ മറവിയുടെ ചാരത്തില്‍ നിന്നും ആ മഹാത്മാവിനെ പത്രങ്ങള്‍ ഉയിര്‍ത്തെഴുന്നേല്‍പ്പിച്ചു.

എന്തായിരുന്നു കോലാഹലം..

ലേലം നടക്കുമോ അതോ ഇന്ത്യയുടെ അഭ്യര്‍ത്ഥന മാനിച്ച് ലേലത്തില്‍ നിന്നും പിന്മാറുമോ??

ദൈവമേ എന്തെല്ലാം നാടകങ്ങള്‍.

സംഘര്‍ഷഭരിതമായ മണിക്കൂറുകള്‍‍ക്കു വിരാമമിട്ടുകൊണ്ട് ദാ വരുന്നു പ്രഖ്യാപനം!

ഒരു പാവം കുഞ്ഞാട്, കള്ളുകച്ചവട കോടീശ്വരന്‍ വിജയ് മല്യ, വെറും 1.8 മില്യന്‍ യു, എസ് ഡോളറിന് ഇവ ലേലം കൊണ്ടു.

നോക്കണേ ഒരു വിരോധാഭാസം!!!

ജീവിച്ചിരുന്ന കാലം മുഴുവന്‍ മദ്യവര്‍ജ്ജനത്തിനായി പൊരുതിയിരുന്ന ബാപ്പുജിയുടെ സ്വകാര്യ വസ്തുക്കള്‍ സ്വന്തമാക്കാന്‍ മദ്യരാജാവ് വേണ്ടി വന്നു, അതാണ് ദയനീയം!

സ്വര്‍ഗരാജ്യത്തിരുന്ന് ഇത് കണ്ട് കണ്ണ് നിറയുന്നുണ്ടാവും ബാപ്പുവിന്.

തുക കുറഞ്ഞു പോയെന്നും പത്തു മില്യനെങ്കിലും കിട്ടേണ്ട്തായിരുന്നെന്നു ഉടമസ്ഥനായിരു‍ന്ന സായിപ്പ് ജേംസ് ഓട്ടിസ്.പുള്ളിക്കാരന്റെ കയ്യില്‍ ഇനിയുമുണ്ടത്രേ പലതും. 1934ല്‍ പച്ച ക്രയോണ്‍ പെന്‍സില്‍ കൊണ്ടെഴുതി, ബാപ്പു എന്ന് ഒപ്പിട്ട ഒരു കത്ത്, മരിക്കുന്നതിന് ഒന്‍പതു ദിവസം മുന്‍പ്മാത്രം ചെയ്ത രക്ത പരിശോധനാ റിപ്പോര്‍ട്ട്, 1924-ല്‍ ബാപ്പുവിനു വന്ന ഒരു ടെലിഗ്രാമിനു പുറത്ത് അദ്ദേഹം മറുപടി കോറിയിട്ടത്.. അങ്ങനെ പലതും.

ലേലം ചെയ്ത വസ്തുക്കള്‍ ആര്‍ക്ക് പോകും, ഇന്ത്യാ ഗവണ്മെന്റിനോ അതോ ലേലം കൊണ്ട ആള്‍ക്കോ? തീരുമാനം യു എസ് ഗവണ്മെന്റിന്റേതാണ്.

ജേംസ് ഓട്ടിസിന്റെ ഉദ്ദേശം പ്രശംസനീയമാണ്. ലേലം ചെയ്തു കിട്ടുന്ന പൈസയില്‍ ഒരണപോലും പുള്ളിയ്ക്കു വേണ്ട. ഇന്ത്യ പാവപ്പെട്ടവരുടെ ആരോഗ്യപരിരക്ഷക്ക് കൂടുതലെന്തെങ്കിലും ചെയ്യാന്‍ അദ്ദേഹത്തിന്റെ കയ്യിലുള്ള, ബാപ്പുജിയുടെ മറ്റ് സ്വകാര്യ വസ്തുക്കള്‍ കൂടി തരാന്‍ തയ്യാറാണു താനും.

ശേഷം വെള്ളിത്തിരയില്‍.........
അല്‍പ്പം കൂടി:
പട്ടച്ചാരായം കളറുകലക്കി വിദേശ മദ്യം എന്ന പേരില്‍ വില്‍ക്കുന്ന നമ്മുടെ രാജ്യത്ത്...ഈ ദ്രാവക മിശ്രിതം സേവിച്ച് എത്ര പേരാണ് കരളു ദ്രവിച്ച് ജീവിച്ച്-മരിച്ച്-ജീവിക്കുന്നത്, ഇവരുടെ ചികത്സക്ക് കുടുംബത്തിന്-രാഷ്ട്രത്തിന് ചിലവാകുന്ന തുക കണക്കാക്കിയാല്‍ നാം ഞെട്ടും...!?

ജന്മദിനം

2009-03-07T04:21:00.000-08:00

വാവ,എന്റെശരീരത്തിന്റെ ഭാഗമായി എട്ടുമാസമുള്ളപ്പോളാണ് നാട്ടിലേക്കു യാത്ര. അതില്‍ കൂടുതലാവാന്‍ ഗഗന യാത്രാ ശകടങ്ങള്‍ അനുവദിക്കാറില്ല. ആകാശത്തു വെച്ച് എണ്ണം കൂടിയാലോ!! പിന്നെ ഫ്രീ ടിക്കറ്റൊക്കെ തരണ്ടേ, അതൊക്കെ വലിയ തൊന്തരവല്ലേ. അന്ന് നെടുംബാശ്ശേരി ഇല്ല, തിരോന്തോരമാണ്. പിന്നെ 5 മണിക്കൂര്‍ കാറില്‍. കാലെല്ലാം നീരുവന്ന് മന്തുപോലായി. പിറ്റേന്ന്, ബംഗലൂരു വരെ ട്രെയിനില്‍.. സഹോദരന്റെ വിവാഹം അവിടെ വെച്ചായിരുന്നു. രണ്ടു ദിവസത്തിന് ശേഷം തിരിച്ചു നാട്ടിലേക്ക്.. പിന്നെ കല്യാണ വിരുന്നുകള്‍...മറ്റു തിരക്കുകള്‍...ചുരുക്കത്തില്‍, ഇതൊക്കെ കഴിഞ്ഞു വന്നപ്പോളേക്കും ഒരു പരുവമായി.

ബഹളങ്ങളൊക്കെ കഴിഞ്ഞ് ഉമ്മയുമായി തനിച്ചൊരു സായാഹ്നം. അപ്പു മുറ്റത്ത് കളിക്കുന്നു. “മോളെ വിശേഷം ഒന്നും ഇല്ലല്ലോ അല്ലേ.. അനക്കമൊക്കെ തോന്നുന്നുണ്ടോ” ഉമ്മയുടെ ചോദ്യം.

അപ്പൊഴാണ് ശ്രദ്ധിച്ചത്.. രാവിലെ മുതല്‍ വലിയ ബഹളമൊന്നുമില്ല. സംശയം തീര്‍ത്തു കളയാം, ഡോക്റ്ററെ ഒന്നു കറക്കി.. ഉടന്‍ കല്‍പ്പന കിട്ടി, അവിടെ വരെ ചെല്ലാന്‍.

പരിശോധനകള്‍ നീളുന്നു.. മുഖം എന്തോ അത്ര പന്തിയല്ല! ഉടനെ അഡ്മിറ്റാക്കി. പിന്നെ ആ കയ്യിലും ഈ കയ്യിലും കുഴലുകള്‍... ഒരു യുദ്ധകാലാടിസ്ഥാന സ്ന്നാഹങ്ങള്‍. പല മരുന്നുകളും, അമിനോ ആസിഡുമെല്ലാം ധമനികളിലൂടെ ഒഴുകി. സമയം ഇഴയുന്നു.. പതുക്കെ, പതുക്കെ അനക്കം തോന്നുന്നൊ? മിനിറ്റു വെച്ച് അതു ചെക്ക് ചെയ്യാന്‍ ഒരു ഡോക്റ്റര്‍ അരികില്‍ തന്നെ ഉണ്ട്. ഓഹ്!! മയങ്ങിത്തുടങ്ങിയ ജീവന്‍ തിരികെ സ്പന്ദിക്കാന്‍ തുടങ്ങി,ആശ്വാസം!! ആ കാര്യങ്ങള്‍ ഇന്നും ഒരു ഞെട്ടലായി മനസ്സില്‍ അവശേഷിക്കുന്നു.

ഒരാഴ്ച്ച പിന്നെയും ആശുപത്രിയില്‍.പിന്നെ നീണ്ട വിശ്രമം വീട്ടില്‍.

ഒടുവില്‍.. 1995 മാര്‍ച്ച് 7 വാവയുടെ ജന്മദിനമായി. അതും മറ്റൊരു സര്‍ജിക്കല്‍ വണ്ടര്‍!!വളരെ കുറഞ്ഞ തൂക്കത്തില്‍ ഒരു പൂച്ചക്കുഞ്ഞുപോലെ അവന്‍ ഭൂമിയിലെ വെളിച്ചത്തിലേക്കു കണ്ണു തുറന്നു!!

വാവ ജനിച്ച് രണ്ട് ദിവസമുള്ളപ്പോള്‍.

പണിയെടുക്കുമ്പോള്‍ കൂടെ വരാതിരിക്കാന്‍ പിടിച്ച് ഇരുത്തുന്നതയിരുന്നു. കുറച്ചുനേരം ഇരുന്ന് കളിക്കും, പിന്നെ ബോറടിക്കും, ചിലപ്പോള്‍ ദേഷ്യം വരും, ചിലപ്പോള്‍ ഉറക്കവും... കുസൃതിക്കുരുന്നിന്റെ പലഭാവങ്ങള്‍!!
ടീനേജ്കാരനായ വാവ

ഇന്ന് വാവയ്ക്ക് 14 വയസ്സു തികയുന്നു.

വയസ്സെത്ര കൂടിയാലും അവനെന്നും ഞങ്ങളുടെ വാവ.

മൂത്തയാള്‍ അപ്പു, അവനാണ് മാര്‍ച്ച് മാസത്തിലെ ആദ്യത്തെ അനുഗ്രഹം. 2009 മാര്‍ച്ച് 26ന് അവന് 22 വയസ്സാകും.

ജീവിതത്തിലെ പടവുകളേറാന്‍...വിഘ്നങ്ങള്‍ തരണം ചെയ്തു മുന്നേറാന്‍...എല്ലാത്തിനുമുപരി,നല്ല മനുഷ്യരാവാന്‍ ഒരുപാടൊരുപാട് ആശംസകളും പ്രാര്‍ത്ഥനകളും...മക്കളേ നിങ്ങള്‍ക്കായി.

അല്ലാഹുവിന്റെ എല്ലാ അനുഗ്രഹങ്ങളും നിങ്ങള്‍ക്കുണ്ടാകട്ടെ.

തറവാടി said...
ജന്മദിനാശംസകള്‍ :)തറവാടി/വല്യമ്മായി/പച്ചാന/ആജു/ഉണ്ണീ
March 6, 2009 10:23 PM
B Shihab said...
അല്ലാഹുവിന്റെ എല്ലാ അനുഗ്രഹങ്ങളും നിങ്ങള്‍ക്കുണ്ടാകട്ടെ
March 7, 2009 12:35 AM

How can we make .........???

2009-02-24T20:06:00.001-08:00

പ്രവാസ ജീവിതത്തിന്റെ ആദ്യകാലങ്ങളില്‍ ഉപജീവന മാര്‍ഗം അദ്ധ്യാപക വൃത്തിയായിരുന്നു. അന്ന് ഇവിടത്തെ അദ്ധ്യാപകരുടെ വേതന വ്യവസ്ഥിതിയെപ്പറ്റി പറയാതിരിക്കുന്നതാവും ഭേദം( ഇന്നും വളരെ വ്യത്യസ്തമൊന്നുമല്ലെങ്കിലും).അതുകൊണ്ടാ‍ണ് ഇഷ്ടപ്പെട്ട ഒരു ജോലിയായിട്ടും മനസ്സില്ലാമനസ്സോടെ പിന്നീട് ഉപേക്ഷിക്കേണ്ടി വന്നതും :( :(
ഒന്‍പത്, പത്ത്, +2 ഇതായിരുന്നു ക്ലാസ്സ്. വിഷയം ജീവശാസ്ത്രം.

പ്രീ ഡിഗ്രി കഴിഞ്ഞ് പിന്നെയും അഞ്ചുകൊല്ലം പട വെട്ടി, കഷ്ടപ്പെട്ട് മാസ്റ്റര്‍ ബിരുദം ഡിസ്റ്റിങ്ഷനോടെ പാസ്സായിട്ടും, നോം സാ‍ധനങ്ങള്‍ അങ്ങോട്ടും ഇങ്ങോട്ടും കയറ്റി അയക്കുന്ന { Freight Forwarding ( cargo)} കമ്പനിയില്‍പണി ചെയ്യുന്നു!! അത് ഗല്‍ഫ് കാരന്റെ വേറെ ഒരു വിധി..

പോട്ടെ.... അപ്പോള്‍ നമ്മള്‍ പറഞ്ഞു വന്നതെന്താ?? ഓ... ടീച്ചര്‍ ജോലി...
അന്നത്തെ ക്ലാസ്സ് ഒന്‍പതിലായിരുന്നു. മുഴുവന്‍ ആണ്‍‍ കുട്ടികളാണ്. ( ഗള്‍‍ഫില്‍ ഇന്നും സ്കൂളില്‍ കോ എഡ്ജ്യുകേഷന്‍ മഹാപരാധം!!)

അന്ന് ഇന്നത്തെപ്പോലെ ബജറ്റ് എയര്‍ലയിനൊന്നുമില്ല. ഇന്ത്യന്‍ പ്രവാസികളുടെ ചോരയൂറ്റിക്കുടിച്ചു വീര്‍ക്കാന്‍ ഒരു എയര്‍ ഇന്ത്യ മാത്രം. സാധാരനക്കാരായ ഫാമിലികള്‍ നാട്ടില്‍ പോകുന്നത് രണ്ടോ മൂന്നോ കൊല്ലത്തിലൊരിക്കലാണ്. അതും മലയാളികള്‍. പാക്കിസ്ഥാനികളൊക്കെ അഞ്ചും ആറും കൊല്ലമൊക്കെ കഴിഞ്ഞാണ് നാടുകാണുന്നത്.
ജനിച്ചിട്ട് ഇന്നുവരെ നാടു കാണാത്ത് കുട്ടികള്‍ വരെയുണ്ടായിരുന്നു ക്ലാസ്സില്‍. മജോറിറ്റിയും പാക്കിസ്ഥാനികളാണ്. നാട് കാണാനും മണ്ണിന്റെ, മഴയുടെ ഗന്ധമറിയാനും ഭാഗ്യം കിട്ടാത്ത കുറെ പാവങ്ങള്‍!
food adulteration - നെ ( മായം ചേര്‍ക്കല്‍) ക്കുറിച്ചായിരുന്നു അന്ന് പഠിപ്പിച്ചത്. മായം ചേര്‍ക്കലിന്റെ വിവിധ മേഖലകളെക്കുറിച്ച് കാര്യമായി വിശദീകരിച്ചു. പാലില്‍ വെള്ളം ചേര്‍ത്തിട്ടുണ്ടോ എന്ന് മനസ്സിലാക്കാനുള്ള ഉപകരണമാണ് ലാക്റ്റൊമീറ്റര്‍ - മായം ചേര്‍ക്കുന്നവരെ അങ്ങനെ കണ്ടെത്താം എന്നൊക്കെ ഞാന്‍ വചാലയായി.

പ്രസംഗം നിര്‍ത്തി കുട്ടികളെ നോക്കിയപ്പോള്‍ പലര്‍ക്കും ഒരു കണ്‍ഫ്യൂഷന്‍!

ഒരുത്തന്‍ എണീറ്റു,വളരെ സങ്കൊചത്തോടെ. ടീച്ചറിനു തെറ്റുപറ്റിയതാണൊ എന്ന ഒരു ശങ്കയില്‍ ചോദ്യം വന്നു....

“Teacher...How can we make milk without adding water???!!!!!!!!”

വെള്ളം ചേര്‍ക്കാതെ എങ്ങനെയാ പാലുണ്ടാക്കുകയെന്ന് :( :( :(

പാല്‍പ്പൊടിയില്‍ വെള്ളം ചേര്‍ത്ത് പാലുണ്ടാക്കുന്നതല്ലാതെ യഥാര്‍ത്ഥ പാല്‍ എന്തെന്ന് അവന്‍ കണ്ടിട്ടില്ല!! അതായിരുന്നു അവരുടെ കണ്‍ഫ്യൂഷന്‍!!!

(അന്ന് ഇന്നത്തെപ്പോലെ ഫ്രഷ് മില്‍ക്ക് ഒന്നും സുലഭമായിരുന്നില്ല. ഒരു പതിനെട്ടു കൊല്ലം പിന്നിലാണേ..)

നാട്ടില്‍ പ്രകൃതിയോടിണങ്ങി അതിന്റെ മടിത്തട്ടില്‍ വളരുന്ന കുട്ടികള്‍ സുകൃതം ചെയ്തവര്‍ തന്നെ. യാതൊരു സംശയവും വെണ്ട.

സ്ലം ഡോഗ് മില്യനേയര്‍: ഒരു യഥാര്‍ത്ഥ ചിത്രം !!

2009-02-24T10:44:00.000-08:00

ബൂലോഗരെ...

സ്ലം ഡോഗ് മില്യനേയര്‍ - തെരുവു പട്ടി കോടീശ്വരന്‍
ചര്‍ച്ചകള്‍, ഭൂലോഗത്തും മാലോകത്തും, ഈ കൊച്ചു ബൂലോഗത്തും പൊടി പൊടിച്ച് തുടര്‍ന്നു കൊണ്ടേ ഇരിക്കുന്നു. ഇപ്പോഴൊന്നും അവസാനിക്കുന്ന മട്ട് കാ‍ണുന്നില്ല.

ഈ സിനിമയ്ക്കു ശേഷം ചിലരുടെ മനസ്സിലെകിലും ഒരു ചിന്ത ഇല്ലാതില്ല, ഇതൊക്കെ യാഥാ‍ര്‍ത്ഥ്യമാകാമെന്ന്. ഇല്ല കൂട്ടരേ, സ്ലം ഡോഗ്, എന്നും സ്ലം ഡോഗ് തന്നെ. യാതൊരു മാറ്റവും പ്രതീക്ഷിക്കാനില്ല.
അവനോ, അവളോ, ഒരിക്കലും ഉയരങ്ങളില്‍ എത്താറില്ല.
കോരനെന്നും കഞ്ഞി കുമ്പിളില്‍ തന്നെ....

അധോലോകങ്ങളുടെ അകത്തളങ്ങളില്‍ രാജക്കന്മാരായോ, ചുവന്ന തെരുവു ഗലികളുടെ റാണിമാരായോ വാഴുമായിരിക്കാം. പക്ഷേ...മുഖ്യധാരയിലെത്തുന്നവര്‍ സിംഹവാലന്‍ കുരങ്ങുകളെപ്പോലെ അപൂര്‍വം.

ഇതൊന്നു കണ്ടു നോക്കൂ...

അവന്റെ മുഖത്തെ നിഷ്കളങ്കത, ആ ചിരിയുടെ ഓമനത്തം നിങ്ങളില്‍ ചിലരുടെയെങ്കിലും മനസ്സില്‍ ഒരു നൊമ്പരമുണര്‍ത്തുന്നില്ലേ..

ആദ്യത്തെ വരവിന് അവനെ( രവി) കണ്ട സായിപ്പ് അഞ്ചു വര്‍ഷത്തിനു ശേഷം വീണ്ടും മുംബയിലെത്തിയപ്പോള്‍ അവനെ തേടിപ്പിടിച്ച് കണ്ടെത്തിയപ്പോഴും തൊഴില്‍ പഴയതു തന്നെ, മാറ്റമൊന്നുമില്ല.

ശരിയായ വിദ്യാഭ്യാസത്തിനുപോലും നിവൃത്തിയില്ലാതെ, തെരുവിന്റെ മകനായി രവി അന്നന്നത്തെ ഭക്ഷണത്തിനുള്ള വകക്കായി വിശറി വില്‍ക്കുന്നു, അമ്മൂമ്മയൊടൊപ്പം!!

യു.എ.ഇ. ബ്ലോഗ് സംഗമം 2009

2009-02-21T06:36:00.000-08:00

അയല്‍ക്കൂട്ടത്തിന്റെ വടം വലി

എല്ലാവരും ബ്ലോഗ് മീറ്റിന്റെ ഫോട്ടോസ് ഇട്ടപ്പോള്‍ ഒരു ചെറിയ പൂതി എനിക്കും.ഷംസു എടുത്ത വളരെക്കുറച്ചു ചിത്രങ്ങള്‍ തുണയായി. ഈ വെള്ളിയാഴ്ച്ച ഡ്യൂ‍ട്ടി ആയിരുന്നതിനാല്‍ ആള്‍ എത്താന്‍ വൈകി. പിന്നെ മീറ്റില്‍ ഫോട്ടോഗ്രാഫര്‍മാരുടെ അഞ്ചു കളി ആയിരുന്നല്ലോ. അതിനു തെളിവായി ദേവന്റെ പോസ്റ്റ് കണ്ടല്ലോ. പിന്നെ പുതിയ ശിഷ്യനായ സിദ്ധാര്‍ത്ഥ സൂപ്പര്‍സ്റ്റാറിന്റെ ഒരു ശ്രമവും.

വിശാലമനസ്ക്ക കുടുംബം.ഒരു മുഖം വിവിധ ഭാവങ്ങള്‍!!!

ഇതിന് ഏറ്റവും നല്ല അടിക്കുറിപ്പ് എഴുതുന്നവര്‍ക്ക് ഒരു സ്പെഷ്യല്‍ സമ്മാനം

ഫാമിലി ഫോട്ടോയ്ക്ക് പോസ് ചെയ്യുന്നു

പൊതുവാളിന്റെ ഫോട്ടോ പിടിത്തം കൈപ്പള്ളിയുടെ അതീന്ദ്രിയജാലം

കരീം മാഷുമൊത്ത്..
ഇതാരാ സൂപ്പര്‍ സ്റ്റാര്‍!! പക്ഷേ മീശ കറുപ്പിക്കാന്‍ തിരക്കിനിടയില്‍ മറന്നു...ഫോട്ടോഷോപ്പില്‍ കറുപ്പിക്കണ്ട എന്നു ഞാനും വെച്ചു. അങ്ങനെ അധികം ചുള്ളനാവണ്ട.

ബ്ലോഗിലെ താരങ്ങളോടൊപ്പം.

മര്യാദക്കാരന്‍ കുറുവും, കണ്ണാടിക്കാരന്‍ വിശാലനും( മൂപ്പര്‍ക്ക് മമ്മൂ‍ട്ടിയെപ്പോലെ കൂളിങ് ഗ്ലാസ്സ് ഒരു വീക്നെസ്സ് ആണേ.. ക്ഷമിക്ക്) ഷംസുവിനും ഒപ്പം.

താഴത്തെ ഫോട്ടോയില്‍ കൂടെ രശ്മിയും.

ബ്ലോഗര്‍മാരുടെ ലിസ്റ്റ്

2009-02-20T23:28:00.000-08:00

അങ്ങനെ 2009ലെ ആദ്യത്തെ മീറ്റിന് കര്‍ട്ടന്‍ വീണു.

മാലോകരാരെങ്കിലും തുനിഞ്ഞിറങ്ങി ഒരു യു. എ. ഇ ബ്ലോഗ്ഗേര്‍സ് ലിസ്റ്റും കോണ്ടാക്റ്റ് നമ്പറും ഒക്കെ ഒന്നുണ്ടാക്കിയിരുന്നെങ്കില്‍ എല്ലാവര്‍ക്കും ഒരു ഉപകാരമാവും.

എന്താ നിങ്ങളുടെ ഒരു അഭിപ്രായം....

ഒന്നു വിശദീകരിക്കാമോ?!

2009-02-07T22:59:00.000-08:00

ഇതൊരു കഥയല്ല, നടന്ന സംഭവം മാത്രം. സരസനായിരുന്നു ബീരാനിക്ക... എല്ലാത്തിനും മൂപ്പര്‍ക്ക് ഒരു അഭിപ്രായം ഉണ്ടാകും. മറ്റുള്ളവര്‍ക്കത് ശരിയോ തെറ്റോ?? പുള്ളിക്കാരനത് പ്രശ്നമേ അല്ല്ല. ആളൊരു പരോപകാരിതന്നെ. പരോപകാരം അധികമായി, സ്വയം പ്രശ്നങ്ങളില്‍ ചെന്ന് ചാടിയ സംഭവങ്ങളും ധാരാളം. ഏറ്റവും ഇഷ്ട്ടപ്പെട്ട ഭക്ഷണം ബീഫ് വരട്ടിയത്. അത് എത്ര കിട്ടിയാലും തട്ടും.
പിന്നെങ്ങനെ ഹാര്‍ട്ട് പണി മുടക്കാതിരിക്കും?? ഒരു ദിവസം അതു സംഭവിച്ചു... ജോലിസ്ഥലത്തു വെച്ചുണ്ടായ കഠിനമായ നെഞ്ചു വേദനയെത്തുടര്‍ന്ന് പെട്ടെന്നു തന്നെ ആശുപത്രിയില്‍ പ്രവേശിപ്പിച്ചു.രക്ഷപ്പെടാന്‍ ചാന്‍സ് വളരെ കുറവ്.. എന്നാലും ഉടന്‍ ഒരു ഓപ്പറേഷന്‍ നടത്തി നോക്കാം ഡോക്ടര്‍ ചാന്‍സെടുത്തു. അതിനുള്ള തയ്യാറെടുപ്പുകള്‍ ധൃതിയില്‍..... പിറ്റേന്നു തന്നെ ഓപ്പണ്‍ ഹാര്‍ട്ട് സര്‍ജറിയും നടന്നു. സിവിയര്‍ ബ്ലോക്ക് മൂന്ന്!! മഹാന്മാരല്ലാത്തവ വേറെയും. എന്നാലും ഒരു മിറാക്കിള്‍ സംഭവിച്ചു. ഓപ്പറേഷന്‍ സക്സസ്സ്. കൂടെ നിന്നവര്‍ ശ്വാസം നേരെ വിട്ടു.

ആളെ C.C.U വിലേക്ക് മാറ്റി. ആദ്യത്തെ ദിവസം പ്രശ്നങ്ങളൊന്നുമില്ലാതെ കഴിഞ്ഞു. രണ്ടാം ദിവസം രാത്രി കാര്യങ്ങള്‍ തകിടം മറിഞ്ഞു. ഡോക്ടര്‍ പാഞ്ഞെത്തി, ഉടന്‍ തിയേറ്ററിലേക്ക്. കുത്തിക്കെട്ടി വെച്ചത് വീണ്ടും തുറന്നു. നാല്പത്തെട്ട് മണിക്കൂറിനുളള്ളില്‍ രണ്ട് ഓപ്പണ്‍ ഹാര്‍ട്ട് സര്‍ജറി!!
എന്തിനധികം.. ആയുസ്സിന്റെ ബലം അത്രയ്ക്കായതു കൊണ്ട് ബീരാനിക്ക വളരെ കൂളായി ആ ആപത്തും തരണം ചെയ്തു. രണ്ടാഴ്ച്ചക്കു ശേഷം ആശുപത്രിയും വിട്ടു.
മരണത്തെ മുഖാമുഖം കണ്ടു തിരിച്ചെത്തിയതല്ലേ.. ഇനി അടുത്തൊന്നും കാലന്‍ തന്നെ തിരിഞ്ഞു നോക്കില്ലെന്ന് മൂപ്പരങ്ങു തീരുമാനിച്ചു.
ജീവിതം ആഘോഷം.. മരുന്നുകള്‍ ഒരു പിടി ഉണ്ട്. ഭക്ഷണത്തിനു നിയന്ത്രണവും. രണ്ടാമത്തേത് മൂപ്പര്‍ സൌകര്യപൂര്‍വം ഒഴിവാക്കി. ഇഷ്ടമുള്ളതൊക്കെ കഴിക്കും. വീട്ടില്‍ നിയന്ത്രണം കഠിനം... പക്ഷേ കക്ഷി വേണ്ടത് പുറത്തു നിന്ന് തട്ടും!
ആള് ഭക്തനാണ്, ഒരു നേരവും നമസ്ക്കാരം മുടക്കില്ല. ഒരു ദിവസം വൈകുന്നേരം ബീരാനിക്ക വീട്ടില്‍ വന്നു. എന്നു വരുമ്പോഴും കഥകള്‍ ഒരുപാടുണ്ടാകും പറയാന്‍... അന്നും വ്യത്യസ്തമായിരുന്നില്ല . ഒരുപാട് വിശേഷങ്ങള്‍‍ക്ക് ശേഷം മൂപ്പര്‍ പറഞ്ഞു തുടങ്ങി.

“അതേയ്.. കഴിഞ്ഞ വെള്ളിയാഴ്ച്ച വളരെ രസകരമായ ഒരു സംഭവമുണ്ടായി... മഗരിബ് നമസ്ക്കാരം കഴിഞ്ഞപ്പോള്‍ ഒരു ക്ഷീണം പോലെ... പെട്ടെന്ന് എഴുന്നേല്‍ക്കാന്‍ പോയില്ല... മുസല്ല്ലയില്‍്‍ തന്നെ കിടന്ന് ഒന്നു മയങ്ങി. അപ്പോള്‍ ഞാനൊരു സ്വപ്നം കണ്ടു....... നാട്ടിലെ പള്ളി.. . ഒഴിവ് ദിവസങ്ങളില്‍ അസര്‍ നമസ്ക്കാരം കഴിഞ്ഞ് ഒരു ചായക്കു ശേഷം കൂട്ടുകാരുമായി പള്ളിമുറ്റത്ത് ഒത്തു കൂ‍ടുന്ന ഒരു പതിവ് ഉണ്ടായിരുന്നു. കുറച്ചു നേരം വെടിപറഞ്ഞിരുന്ന് മഗരിബിനു ശേഷം തിരിച്ചു പോരും. അന്നും പള്ളിയില്‍ എത്തിയതാണ്. പള്ളി മുറ്റത്തെ മാവിന്‍ ചുവട്ടില്‍ രണ്ട് ബെഞ്ചിട്ടിട്ടുണ്ട്. അതിലിരിക്കുന്നു കൂട്ടുകാര്‍ ഉസ്മാനും, മമ്മതും, റസാക്കും( മൂന്ന് പേരും മയ്യത്തായിട്ട് വര്‍ഷം നാല് കഴിഞ്ഞു). അവരെങ്ങനെ ഇപ്പോള്‍ ഇവിടെ?!
പള്ളിയുടെ ഗെയിറ്റ് കടന്നപ്പോള്‍ കണ്ടു, പിന്നിലെ വഴിയിലൂടെ കയറി വന്ന ജമാലിനെ. രണ്ടു പേരും ഒപ്പമെത്തി.ഒരാള്‍ക്കിരിക്കാനേ സ്ഥലമുള്ളൂ. ഞാന്‍ പറഞ്ഞു “ ജമാലിരുന്നോളൂ ഞാനിവിടെ നിന്നോളാം, എല്ലാരേം കാണാലോ..”
“നീയിരി ബീരാനേ” ജമാല്‍ നിരസിച്ചു...
എന്തോ ഇരിക്കാന്‍ തോന്നിയില്ല. ജമാലിനെ നിര്‍ബന്ധിച്ച് ആ ബെഞ്ചിലിരുത്തി. പല ലോക കാര്യങ്ങളും ചര്‍ച്ചക്ക് വിഷയമായി‍. നേരം കുറച്ച് കഴിഞ്ഞു. ഞാന്‍ നില്‍ക്കുന്നതില്‍ വിഷമം തോന്നിയിട്ടാവാം ഉസ്മാന്‍ പറഞ്ഞു.. “കുറേ നേരമായില്ലെ ബീരാനേ നീ നിക്ക്ണ്, ദേ ഇബിടെ ഇരി. ” ഇത്തിരി സ്ഥലമുണ്ടാക്കി മൂപ്പര്‍ എന്നെ പിടിച്ച് ഇടയില്‍ ഞെരുക്കി ഇരുത്തി.

അല്‍പ്പ സമയത്തിനു ശേഷം മഗരിബ് ബാങ്ക് കേട്ടു.. അന്നത്തെ വെടിപറച്ചിലിന് വിരാമമായി.”

“ ബാപ്പാ.. ബാപ്പാ“.. മകന്റെ വിളികേട്ടാണ് നമസ്ക്കാരപ്പായിലെ ചെറുമയക്കം വിട്ടെണീറ്റു നോക്കിയപ്പോള്‍ അവന്റെ മുഖത്തൊരു വിഷാ‍ദം....എന്തോ പറയാന്‍ വിഷമിക്കുന്നതു പോലെ.
“എന്തു പറ്റി മോനേ??“

“അത്.. അത്.. ഇപ്പോള്‍ കൊച്ചാപ്പ വിളിച്ചിരുന്നു നാട്ടീന്. നമ്മുടെ ജമാലിക്ക മരിച്ചു.. ഇന്നുച്ചക്ക് ഹാര്‍ട്ട് അറ്റാക്കായിരുന്നു. ‍”
ഉള്ളില്‍ ഒരു നടുക്കം!!!! ഇപ്പോള്‍ത്തന്നെ സ്വപ്നത്തില്‍ കണ്ടത്!!!!!!!!!!

ഇതു വിവരിച്ച് ബീരാനിക്ക ഞങ്ങളോട് പറഞ്ഞു.

“ പടച്ചവന്‍ കാത്തു.. അസ്രായീല് എന്റെ റൂഹ് പിടിക്കാന്‍ എത്ത്യേനെ. ജമാലിനെ നിര്‍ബന്ധിച്ച് ഇരുത്തിയതിനാല്‍ ഞാന്‍ രക്ഷപെട്ടു! ഇനി അടുത്തൊന്നും ഞാന്‍ ചാവില്ല.”

ഇതും പറഞ്ഞ് മൂപ്പര്‍ ഒരു ചിരി പാസ്സാക്കി.

ഇക്കയുടെ സ്വപ്നവലയത്തില്‍ നിന്ന് പുറത്തു കടന്ന് ഞങ്ങളും ഇരുന്നു.

അന്ന് ബീരാനിക്ക പോയത് വളരെ വൈകിയാണ്... ഫ്രിഡ്ജിലിരുന്ന ബീഫ് കറിയും പൊറോട്ടയും ഒട്ടും ബാക്കി വെക്കാതെ മുഴുവനും കഴിച്ച് തീര്‍ത്തതിനു ശേഷം...

നിര്‍ത്താതെയുള്ള ഫോണ്‍ ബെല്‍ കേട്ടാണ് പിറ്റേന്ന് ഉറക്കമുണര്‍ന്നത്....
അങ്ങേതലക്കല്‍ അമ്മായി... “ മോളേ... നമ്മുടെ ബീരാനിക്ക് മരിച്ചു... രാത്രി ഉറക്കത്തിലായിരുന്നു...”
തരിച്ചിരുന്നുപോയി....

പിന്നെ ഓര്‍മ വന്നത് ബീരാനിക്കയുടെ സ്വപ്നമായിരുന്നു.
എന്തിനാ ആ പഹയന്മാര്‍ ഇത്തിരി സ്ഥലമുണ്ടാക്കി മൂപ്പരെ പിടിച്ച് ബെഞ്ചിലിരുത്തിയത്?!!

നരകത്തിലെ കോഴി

2009-02-05T04:06:00.000-08:00

“എന്താ ഉമ്മച്ചി ഈ ഗ്രില്‍ഡ് ചിക്കനെ എല്ലാവരും നരകത്തിലെ കോഴീന്നു പറയുന്നേ?”
ഒരു ദിവസം വാവയുടെ ചോദ്യം..

“ അതു മോനേ... നമ്മളെല്ലാം മരിച്ചു കഴിഞ്ഞാല്‍ പാപം ചെയ്തവരെ പടച്ചവന്‍ ശിക്ഷിക്കുന്നത് ഇങ്ങനെയാണ്. നരകത്തീയില്‍ ഇതുപോലെ കറക്കും.. തൊലിയെല്ലം കരിഞ്ഞു പോകും. അപ്പോള്‍ വീണ്ടും തൊലി വരും. പിന്നെ അതും കരിയും.....”

വാവ ഒരു നിമിഷം ചിന്തിച്ചിരിക്കുന്നതു കണ്ടു.

ഇതു കേട്ടുകൊണ്ടിരിക്കുകയായിരുന്നു ഞങ്ങളുടെ ഒരു ബന്ധു. മൂപ്പര്‍ വാവയെ ആശ്വസിപ്പിച്ചു...

“ വാവേ.. നീ വിഷമിക്കണ്ടട്ടോ.. താഴത്തെയും മുകളിലത്തേയും കമ്പിയിലായി ഞങ്ങളൊക്കെ ഉണ്ടാകും. നമുക്ക് കൊചു വര്‍ത്തമാനവും, തമാശയുമൊക്കീ പറഞ്ഞു കിടക്കാം.”

അവന് ആശ്വാസം ആയെന്നു തോന്നുന്നു.

ഈ ബന്ധു ഒരു ഉപകഥകൂടി പറഞ്ഞു..

പുള്ളിക്കാരനൊരു കസിനുണ്ട്. ഭയങ്കര ഭക്തിയാണ്.. അതു മാത്രം ചിന്തയായി നടക്കുന്ന ഒരു കക്ഷി. ( തെറ്റിദ്ധരിക്കല്ലേ.. ഭക്തി എല്ലവര്‍ക്കും അത്യാവശ്യം വേണ്ടതണെന്നു വിശ്വസിക്കുന്ന ഒരാളാണു ഈ ഞാന്‍.. വല്ലാതെ കൂടിപ്പോകരുതെന്നു മാത്രം)

ഈ കസിനോട് ഇവര്‍ പറയുമത്രെ..

“എടാ.. നീ ഇങ്ങനെ ഒക്കെ നടന്നാല്‍ എന്തായാലും സ്വര്‍ഗത്തിലേ പോകൂ. ഇപ്പൊഴേ ഒരു കാര്യം പറഞ്ഞേക്കാം. അവിടെ നിനക്കു ഭയങ്കര ഏകാന്തത ആയിരിക്കും.. ആരും കൂട്ടിനുണ്ടാവില്ല. താഴെ ഞങ്ങളെല്ലാം കിടന്നു അര്‍മാദിച്ചു ( വിശാലനോട് കടപ്പാട്) രസിക്കുമ്പോള്‍ നിനക്കു തോന്നും.. ഒന്നും വേണ്ടിയിരുന്നില്ലെന്ന്” ...

നോക്കണേ...ഓരോരുത്തന്മാരുടെ ഉപദേശം!!!
മനുഷ്യന്‍ നന്നാവനും സമ്മതിക്കില്ല...

ഈ ഉപദേശം കേട്ട് പുള്ളിക്കാരന്‍ ഭക്തി വെടിഞ്ഞോ എന്നറിയില്ല...

ചരിത്രത്താളുകളിലേക്ക് ഒരു കുറ്റസമ്മതം.‍..

2009-01-16T12:13:00.000-08:00

കുറ്റസമതങ്ങള്‍..... എത്രയോ എണ്ണം നാം കേട്ടിരിക്കുന്നു.. ഇനിയും കേള്‍ക്കാനിരിക്കുന്നു.

കഴിഞ്ഞ ദിവസം സാക്ഷാല്‍ ‘ബുഷി”ന്റെ ഒരു കുറ്റസമ്മതവും നാം കേട്ടു. മൂപ്പരുടെ ഭരണകാ‍ലത്ത് പല തെറ്റുകളും ചെയ്തു പോയിട്ടുണ്ടത്രെ!!

ഇറാക്കില്‍ ജൈവായുധ ശേഖരമുണ്ടെന്ന തെറ്റായ വിവരത്തിന്റെ അടിസ്ഥാനത്തില്‍ എടുത്ത മറ്റൊരു തെറ്റായ തീരുമാനമായിരുന്നത്രേ ഇറാക്ക് യുദ്ധം!!! എത്ര ചെറിയ തീരുമാനങ്ങള്‍ അല്ലേ??

ഭരണകാലത്തെ രണ്ട് യുദ്ധങ്ങളില്‍ പതിനായിരങ്ങളെ കൊന്ന്, അതിലുമെത്രയോ ഇരട്ടി പേരെ കണ്ണുനീരിലാഴ്ത്തി, ലോ‍കം മുഴുവന്‍ വിനാശം വിതച്ച ഒരു കഴുകന്റെ വൃത്തികെട്ട ആ കുറ്റസമ്മതത്തിന് ഇനിയെന്ത് പ്രസക്തി??

പറയാന്‍ വന്നത് ഇതൊന്നുമല്ല . . . . . .
ഒരു കഥ.. പല കഥകള്‍ കൂടിയ ഒരു വലിയ കഥ.
എന്നാല്‍ കഥയാണോ എന്നു ചോദിച്ചാല്‍, ആണൊ? അല്ല . . . .
പരമാര്‍ത്ഥങ്ങള്‍.. പച്ചയായ പരമാര്‍ത്ഥങ്ങള്‍.......

It is......

"The shocking inside story of how America REALLY took over the world"

ഒരു EHM ന്റെ കുറ്റസമ്മതം.....“CONFESSIONS OF AN ECONOMIC HIT MAN ”.
മുന്‍പ് പറഞ്ഞ പോലെ ഇതൊരു കുറ്റസമ്മതമാണ്, ചരിത്രത്താളുകളിലേക്ക് ചേക്കേറുന്ന ഒരു കുറ്റസമ്മതം.

Mr. John Perkins എന്ന EHM ന്റെ കുറ്റസമ്മതം.

പല തരത്തിലുള്ള സമ്മര്‍ദ്ധങ്ങള്‍ അദ്ദേഹത്തിന് അതി ജീവിക്കേണ്ടി വന്നിട്ടുണ്ട് ഇങ്ങനെയൊരു പുസ്ത്കം പ്രസിദ്ധീകരിക്കാന്‍.. ജീവനു തന്നെ ഭീഷണി നിലനിന്നിരുന്നു. പല പ്രസാ‍ധകര്‍ക്കും ധൈര്യം തന്നെ ഉണ്ടായിരുന്നില്ല ഇതു പ്രസിദ്ധീകരിക്കാന്‍....

പുസ്തകത്തിന്റെ ആമുഖത്തില്‍ അദ്ദേഹം തന്നെ ഇതെക്കുറിച്ച് പറയുന്നുണ്ട് വിശദമായി...

He writes...." What finally convinced me to ignore the threats and bribes?
The short answer is that my only cjild, Jessica, graduated from college and went out into the world of her own. When I recently told her that I was considering publishing this book and shared my fears with her, she said - Don't worry, Dad. If they get you, I 'll take over where you left off. We need to do this for the grandchildren I hope to give you some day! - That is the short answer"

It's " A true, powerful revealing and bone chilling story"

തെറ്റിദ്ധരിക്കല്ലേ.. ഇതൊരു കഥയല്ല.

ഈ പോസ്റ്റ് ഒരു book review അല്ല. വായിച്ചപ്പോള്‍ മനസ്സിലൊരു കനലായാത് പലരുമായും പങ്കു വെച്ചാല്‍ നല്ലത് എന്നു തോന്നിയതുകൊണ്ട്, എഴുതി എന്നു മാത്രം.

What is an EHM?

"Economic Hit Men (EHMs)are highly paid professionals who cheat countries around the globe out of trillions of dollars. They funnel money from the World Bank, the US agency for International Developments(USAID), and other foreign "aid" organizations into the coffers of huge corporations and the pockets of a huge wealthy families who control the planet's natural resources. Their tools include fraudulant fnancial reports, rigged elections, payoffs. extortion, sex and murder. They play a game as old as Empire but one that has taken on terrifying dimentions during this time of globalization."

കഴുകന്‍ കണ്ണുകളുമായി മൂന്നാം ലോകരാജ്യങ്ങളുടെ ചുറ്റും ആര്‍ത്തി പൂണ്ട് പറ്ന്നു നടക്കുന്ന ഭൂത ഗണങ്ങള്‍!!
ഏളുപ്പമല്ല, ഇവരുടെ നീരാളിപ്പിടുത്തത്തില്‍ നിന്ന് രക്ഷ നേടുക എന്നത്. കീഴ്പ്പെടുത്താനുള്ള സകല തയ്യാറെടുപ്പുകളുമാ‍യി ഇറങ്ങുന്നവരാണിവര്‍.

പെണ്ണോ, പൊന്നോ, പണമോ , മയക്കുമരുന്നൊ, മറ്റെന്തെങ്കിലുമോ കൊണ്ടുള്ള വശീകരണ മന്ത്രങ്ങള്‍ എല്ലാം തന്നെ ഇവര്‍ക്ക് സ്വായത്തം.

" Confessions of An Economic Hit Man is the story of one man's experiences inside the intrigue, greed, corruption and little- known government and corporate activities that the U.S. have been involved in since World War II. the message is clear, unless these cladestine activities are stopped, they will have dire cosiquences for our future"

"Perkins has ripped open the belly of the financial buccaneers. Here are the real-life details of international corporate skullduggary spun into a tale rivalling the darkest espionage thriller"
ഇതെല്ലാം ഈ പുസ്തകത്തെക്കുറിച്ചുള്ള ചില വിശേഷണങ്ങള്‍ മാത്രം.

Chas. T. main, Inc. ( MAIN) എന്ന അമേരിക്കന്‍ ക്ണ്‍സല്‍ട്ടന്‍സി കമ്പനിയില്‍ ഒരു Economic consultant ആയി കയറി കുറഞ്ഞ കാലയളവില്‍ അതിന്റെ ഏറ്റവ പ്രായം കുറഞ്ഞ Director മാരില്‍ ഒരാളാവാന്‍ കഴിവ് തെളിയിച്ച ആളായിരുന്നു Mr. Perkins.

Why a Sepember 11th in American History? Why Americans are the targets of terrorists attck?
ഓരോ അമേരിക്കക്കാരന്റേയും മന്‍സ്സിനെ അലട്ടുന്ന ചോദ്യമാണ്. അതിനൊരുത്തരം തരും പെര്‍ക്കിന്‍സിന്റെ ഈ പുസ്തകം.

ഇതൊന്നു വായിക്കുക..
നിങ്ങള്‍‍ക്ക് കാണാം.... ചതിയുടെ കാണാക്കുഴികള്‍‍.... ഭരണകൂടങ്ങളുടെ അട്ടിമറികള്‍... കൊലപാതകങ്ങള്‍...
ഇതൊക്കെ തനിയെ സംഭവിക്കുന്നതല്ല.
All are well planned.

എത്രയോ ഭരണാധിപരുടെ, ശാസ്ത്രഞ്ജരുടെ മരണങ്ങള്‍ മുന്‍ കൂട്ടി തീരുമാനിയ്ക്കപ്പെട്ടിരിക്കുന്നു!!!

ഒരു വെടി വെപ്പ് അല്ലെങ്കില്‍ ഒരു ബോംബ് സ്ഫോടനം അതുമല്ലെങ്കില്‍ ഒരു പ്ലെയിന്‍ ക്രാഷ്, സ്ലൊ പൊയ്സനിങ്ങ്.... എല്ലാം പയറ്റുന്നു കരടാവുന്നവരെ ഉന്മൂലനം ചെയ്യാന്‍!!!!!!!

Jaime Roldos President of Equador, Omar Torrijos, President of Panama: Mohammed Mossadegh Prime Ministor of Iran .. ഈ കഴുകന്മാരുടെ വലയില്‍ വീഴാതെ പിടീച്ചു നിന്നതിന്, സ്വന്തം രാജ്യത്തെ, ജനതയെ, ആ കരാള ഹസ്തത്തില്‍ നിന്ന് രക്ഷിക്കന്‍ ശ്രമിച്ചതിന് ജീവന്‍ ബലി അര്‍പ്പിക്കേണ്ടി വന്ന ചിലര്‍ മാത്രം!!!!!

സ്വന്തം സ്വാര്‍ത്ഥ താല്പര്യങ്ങള്‍ക്കായി എത്രയോ രാജ്യങ്ങളില്‍ അസ്വസ്ഥതയുടെ വിത്തു വിതച്ചിരിക്കുന്നു.. ആ വിഷ വിത്തിന്റെ അനന്തര ഫലങ്ങളില്‍ ന്ന്നു കരകയറാനാവാതെ ഇന്നും നരകിക്കുന്ന എത്രയോ ജനത.

വിയറ്റ്നാം, ഇന്‍ഡൊനേഷ്യ, ഇറാക്ക്, അഫ്ഗാനിസ്ഥാന്‍, ഇക്വഡോര്‍,പനാമ, വെനീസ്വല,കൊളംബിയ,കുവൈറ്റ്, സൌദി അറേബ്യ... പേരുകള്‍ തീരുന്നില്ല.

ഇതിന്റെയെല്ലാം പിന്നാമ്പുറ കഥകളിലേക്ക് കുറച്ചെങ്കിലും വെളിച്ചം വീശുന്നു Perkins ന്റെ കുറ്റസമ്മതങ്ങള്‍.

വായിക്കുക.. പലയിടത്തും നാം തരിച്ചിരിക്കും. പെട്രൊ ഡോളറിന്റെ സമ്പന്നത അന്ധരാക്കിയ സൌദി, അമേരിക്കക്ക് അടിയറവു പറയേണ്ടി വന്നതെങ്ങനെ? ഇറാനില്‍ നടന്നതെന്ത്?? ഓയിലിനു വേണ്ടി തെക്കേ അമേരിക്കന്‍ രാജ്യങ്ങളില്‍ ചെയ്തു കൂട്ടുന്നതെന്ത്?

പലതും തുറന്നു പറയുന്നു... Mr. Perkins.

സ്വന്തം ആയുധ, എണ്ണ, കണ്‍സ്ട്രക്ഷന്‍, വൈദ്യുത കമ്പനികള്‍ക്ക് അധികാരം സ്ഥാപിച്ചെടുക്കാന്‍, അതു വഴി പണം നാട്ടിലേക്കൊഴുക്കി, ഈ രാജ്യങ്ങളെയെല്ലാം ലോകബാങ്കിന്റെ കടക്കെണിയില്‍ കുടുക്കാന്‍, ഒരോ രാജ്യങ്ങളിലും EHM കളെ അയച്ച്, അവിടത്തെ ഭരണകര്‍ത്താക്കളെ കയ്യിലെടുത്ത് അമേരിക്ക കളിച്ച, കളിച്ചു കൊണ്ണ്ടിരിക്കുന്ന, ഇനിയും കളിച്ചേക്കാവുന്ന കളികളുടെ ഒരു ചെറിയ ചിത്രം Perkins ന്റെ ഈ പുസ്തകം നമുക്കു പകര്‍ന്നു തരും.
പല ഭരണാധികാരികളും അവരുടെ കയ്യിലെ കളിപ്പാ‍വകള്‍ മാത്രം. ചരടുവലിക്കൊപ്പം ആടാന്‍ മാത്രം വിധിക്കപ്പെട്ടവര്‍!!!!

ഓരോ EHM നേയും ചെറുപ്പത്തിലേ കണ്ടെത്തി പരിശീലിപ്പിക്കുകയാണ് ഇത്തരം കമ്പനികള്‍.

As Mr. Perkins's trainer explains to him " Your job was to encourage world leaders to become part of a vast network that prmotes U.S. commercial interests. In the end, those leaders become ensnared in a web of debt that ensures their loyalty. we can draw on them when ever we desire- to satisfy our political positions by bringing industrial parks, power palants,a nd airports to their people. Thus the owners of U.S. engineering/costruction / oil /energy companies to become fabulously wealthy"

ഈ ലോകത്ത് നടന്നുകൊണ്ടിരിക്കുന്നത്, ശരിയായ looting ആണ്...
ഇനി നടക്കാന്‍ പോകുന്നതും.

ഇതിനെല്ലാം കൂട്ടു നില്‍ക്കാന്‍ ഇടയായതില്‍ സ്വയം കുറ്റബോധം തോന്നി രാജി വെച്ച ശേഷം, Mr.Perkins പരിസ്ഥിതി പ്രവര്‍ത്തനങ്ങളും, എഴുത്തുമായി കഴിയുന്നു.

എന്തുകൊണ്ട് ഇങ്ങനെയൊരു പുസ്തകം??
He says..

" This story must be told becuse only by understnading our past mistakes will be able to take advantage of future opportunities; because 9/11 happend and so did second war in Iraq; because in addition to the three thusand people who died on Sept 11, 2001, at the hands of terrorists another twenty four thousand died from hunger and related causes. In fact, tenty four thousand peple die every single day because they are unable to obtain life-sustaining food. ഇത് തുടരുന്നു...

ഇതിന്റെ തുടര്‍ച്ചയായ മറ്റൊരു പുസ്തകവും അദ്ദേഹത്തിന്റേതായി ഇറങ്ങിക്കഴിഞ്ഞു, " The Secret Histor y of the American Empire"

കൂടുതല്‍ അറിയാന്‍....

www.johnperkins.org
http://www.youtube.com/watch?v=e0JCJ4pIFEw
http://www.youtube.com/watch?v=yTbdnNgqfs8

എന്റെ ഉമ്മ

2009-01-11T06:21:00.000-08:00

ഇത് എന്റെ ഉമ്മ

അദ്ധ്യാപക ജീവിത്തിന്റെ മുക്കാല്‍ സമയവും തന്റെ വിദ്ധ്യാര്‍ത്ഥികള്‍ക്കായി അക്ഷരാര്‍ത്ഥ്ത്തില്‍ ഉഴിഞ്ഞു വെച്ച ബുഷറ ടീച്ചര്‍.

1992-ല്‍ ഏറ്റവും നല്ല അദ്ധ്യാപികക്കുള്ള ദേശീയ അവാര്‍ഡ് രാഷ്ട്രപതി ശ്രീ ശങ്കര്‍ദയാല്‍ ശര്‍മയില്‍ നിന്നും സ്വീകരിക്കുന്നു.

അവാര്‍ഡ് പ്രഖ്യാപനത്തിനു ശേഷം നടന്ന ഒരു സ്വീകരണച്ചടങ്ങില്‍ ഉമ്മയെ വളരെ അടുത്തറിയാവുന്ന ഒരു വിശിഷ്ട വ്യക്തിയുടെ അനുസ്മരണമിങ്ങനെയായിരുന്നു…..

“അവാര്‍ഡുകള്‍ കൊടുക്കുന്നതും.. കൊടുക്കപ്പെടുന്നതും, കിട്ടുന്നതും, പിടിച്ചു വാങ്ങുന്നതും,നിരസിക്കുന്നതുമെല്ലാം നാം കേള്‍ക്കാറുണ്ട്… കാണാറുണ്ട്. അതിന്റെ കോലാഹലങ്ങളും പിന്നാമ്പുറ കഥകളുമെല്ലാം നമ്മെ പലപ്പോഴും ലജ്ജിപ്പിക്കാറുമുണ്ട്… എന്നാല്‍ ഇന്ന് ബുഷറ ടീച്ചര്‍ക്ക് ഈ അവാറ്ഡ് ലഭിച്ചതിലൂടെ അവാര്‍ഡ് തന്നെ സ്വയം ബഹുമാനിതമാവുന്ന കാഴ്ച്ചയാണ് ഞാന്‍ കാണുന്നത്….. ഇക്കാലത്ത് തികച്ചും വിരളമായി മാത്രം കാണാവുന്ന ഒന്ന്“

എന്നും ഒരു നിഴല്‍ പോലെ ഉമ്മയുടെ എല്ലാ പ്രവര്‍ത്തനങ്ങള്‍ക്കും കൂടെയുണ്ടയിരുന്ന എന്റെ കണ്ണില്‍ പൊഴിഞ്ഞ സന്തോഷക്കണ്ണീരിന്റെ ഉപ്പ് ഇപ്പൊഴും എനിക്ക് നാവിലറിയാം.

കേരള ഗവണ്മെന്റ് സര്‍വീസില്‍ പ്രധാന അദ്ധ്യാപികയായ ഏറ്റവും പ്രായം കുറഞ്ഞ സ്ത്രീ എന്ന ബഹുമതി ബുഷറ ടീച്ചറിനു സ്വന്തം.

അങ്ങേയറ്റം താഴെക്കിടയില്‍ക്കിടന്നിരുന്ന ഒരു ഗവ. ലോവര്‍ പ്രൈമറി സ്കൂളിനെ ജില്ലയിലെ ഏറ്റ്വും നല്ല സ്കൂളാക്കി ഉയര്‍ത്താനും റിട്ടയര്‍ ചെയ്യുന്നതു വരെ അതു നിലനിര്ത്താനുമുള്ള അദ്ധ്വാനം ല്ലറയായിരുന്നില്ല. വളരെ പാവപ്പെട്ട കുട്ടികള്‍ മാത്രം പഠിക്കുന്ന ഇവിടെ അവര്‍ക്കുള്ള ഉച്ച ഭക്ഷണവും, പുസ്തകവും യൂണിഫോമും സൌജന്യമായിരുന്നു. അതിനുള്ള പൈസ ഗവ,. ഗ്രന്റായിരുന്നില്ല, നല്ലവരായ നാട്ടുകാറ്രുടെ സഹകരണമയിരുന്നു. അതിനു പിന്നിലെ ശക്തി ഉമ്മയും. ചിലപ്പോഴൊക്കെ ആ ഉച്ച ഭക്ഷണം മാത്രമായിരുന്നു പല കുട്ടികളുടേയും ഒരു ദിവസത്തെ അന്നം.

ഇത് ഔദ്യൊഗിക ജീവിതതിന്റെ മുഖം. പക്ഷേ വ്യക്തി ജീവിതവും വ്യത്യസ്ഥമായിരുന്നില്ല. സ്വന്തം കാര്യം മറന്നു എന്നും മറ്റുള്ളവര്‍ക്ക് ഉപകാ‍രിയാവുക എന്നായിരുന്നു ജീവിത വ്രതം തന്നെ. എല്ലാത്തിനും ശക്തിയായി, കരുത്തായി, പിന്നില്‍ ഉപ്പയും.

അരോടും പരിഭവമില്ലാ‍തെ, വെറുപ്പില്ലാതെ, എന്നും എല്ലാവര്‍ക്കും സഹായമായി നിലകൊള്ളുന്ന, മക്കളെയും അതിനായി പ്രേരിപ്പിക്കുന്ന രണ്ടു പേര്‍.

ഇനിയുമൊരു ജന്മം ഉണ്ടോ എന്നറിയില്ല……… ഉണ്ടെങ്കില്‍ അതു മനുഷ്യജന്മമാണെങ്കില്‍….ഈ ഉപ്പയുടെയും ഉമ്മയുടെയും മകളായി പിറക്കാന്‍ ഭാഗ്യമുണ്ടകണമെന്ന പ്രാര്‍ത്ഥ്ന മനസ്സിലുറയുന്നു.

കൈക്കുഞ്ഞായി അമ്മയുടെ മടിയില്‍ ഇരിക്കുന്നത് എന്റെ ഉമ്മ,1938-39 തില്‍ എടുത്ത ചിത്രം എന്റെ ഒരു അമൂല്യ സ്വത്താണ്.

ആ ഉമ്മയുടെ കയ്യിലിരിക്കുന്നത് ഞാന്‍

ഉമ്മയുടെ കൂടെ ഇരിക്കുന്നത് എന്റെ മകന്‍ നവീന്‍

പരിണാമത്തിനു സമയമായി

2008-11-04T23:33:00.000-08:00

അങ്ങനെ കാത്തിരുന്ന നിമിഷമെത്തി.....

ചരിത്രത്താളുകളിലേക്കു, സാവധാനം ചുവടുവെച്ചു കയറി വന്ന, കറുത്ത വര്‍ഗക്കാരന്റെ സൌമ്യനായ ഈ പ്രതിനിധിയ്ക്ക്....

ബരാക്ക് ഒബാമയ്ക്ക് അഭിവാദ്യങ്ങള്‍.....

അഭിമാനത്തോടെ.....തെല്ലൊരഹങ്കാരത്തോടെ..

2008-10-21T23:52:00.000-07:00

ചന്ദ്രയാന്‍..

ഇന്ന് രാവിലെ ഇന്ത്യന്‍ സമയം 6.22ന് ശ്രീഹരിക്കോട്ടയില്‍ നിന്ന് ശൂന്യാകാശത്തേക്ക് കുതിച്ചുയര്‍ന്ന റോക്കറ്റ് വഹിച്ചത് ചന്ദ്രയാന്‍ 1 എന്ന ഉപഗ്രഹം മാത്രമല്ല, ഓരോ ഇന്ത്യക്കാരന്റേയും അഭിമാനപൂരിതമായ മനസ്സുകളെയുമാണ്.

നേരു പറയണമല്ലൊ..ഉള്ളില്‍ നല്ല ആഹ്ലാദം... തെല്ലൊരഹങ്കാരവും..

ഇതിന്റെ വിജയത്തിനായി ഊണും ഉറക്കവും മാറ്റി വെച്ച് പ്രവര്‍ത്തിച്ച എല്ലാ ശാസ്ത്രജ്ഞര്‍‍ക്കും മനസ്സു നിറഞ്ഞ അഭിവാദ്യങ്ങള്‍.

കസ്ബയിലെ ജലധാര

2008-10-04T11:42:00.000-07:00

ഇവന്റെ ആഹ്ലാദത്തിനു എന്തു പേരിടും....?!

ഈദുല്‍ ഫിത്തര്‍ ദിനത്തില്‍, ഷാര്‍ജ Qanat al Kasba യിലെ ജലധാര യന്ത്രത്തിനു ചുറ്റും കുട്ടികള്‍ കുളിച്ച് , കളിച്ച്, ആഹ്ലാദിക്കുന്നു...
ഈദു ദിന രാത്രിയില്‍ മകന്‍ നിതിനുമായി ഒന്നു ചുറ്റിയതാണ്. അപ്പോള്‍ കിട്ടിയ കുറച്ചു ചിത്രങ്ങള്‍....

വെള്ളത്തുള്ളികള്‍ക്കിടയില്‍ ഒരു പിങ്ക് റോസാപ്പൂ....
വയറിലൊരു പൂത്തിരി.....

ഈ ആര്‍മ്മാദിക്കുന്ന കുരുന്നുകളെ കണ്ടിട്ട് വെള്ളത്തിലേക്ക് കുതിക്കുന്ന മലയാളിക്കുട്ടികളെ രക്ഷിതാക്കള്‍ തടയുന്നത് കാണാമായിരുന്നു; ജലദോഷം പിടിച്ചാലോ എന്നു വിചാരിച്ചായിരിക്കും..!?ചെറിയൊരു ചാറ്റല്‍മഴ വന്നാല്‍പ്പോലും കുട നിവര്‍ത്തുന്ന മലയാളി!? ഇവിടെ മഴ വന്നാല്‍ കുട്ടികളെ പുറത്തേക്കിറക്കി കളിക്കാന്‍ വിടുന്ന മറ്റു ദേശക്കാര്‍..!

വെളിച്ചത്തിനൊപ്പം ചുവടുവയ്ക്കുന്ന പാവാടക്കാരി.

മുടിതോര്‍ത്തിപ്പിഴിയുന്നതു ജലധാരയിലേക്കുതന്നെ....!

ബ്രിട്ടന്‍ ഇന്ത്യയോട് മാപ്പ് ചോദിയ്ക്കുമോ ?!?!?!

2008-09-25T04:33:00.000-07:00

ശിപ്പായി ലഹളയുടെ കാണാപ്പുറങ്ങള്‍

പലരും ഓര്‍ക്കുന്നുണ്ടാവും, പണ്ട്, സ്കൂളില്‍ സാമൂഹ്യപാഠ ക്ലാസ്സുകളില്‍ “ശിപ്പായി ലഹള”യെക്കുറിച്ച് പഠിച്ചത്. അന്നൊന്നും അതിന്റെ ഉള്ളറകളിലേക്ക് കടന്നു ചെല്ലാനൊന്നും ആര്‍ക്കും താല്പര്യമുണ്ടായിരുന്നില്ല. എങ്ങനേയും പരീക്ഷയില്‍ മാര്‍ക്കു നേടാനുള്ള ഒരു പഠനം മാത്രം!!

ഇന്ന് തിരിഞ്ഞു നോക്കുമ്പോള്‍.. കൂടുതലറിയുമ്പോള്‍ മനസ്സിലാവുന്നു.. എത്ര ക്രൂരമായിരുന്നു ബ്രിട്ടീഷ് കൊളോണിയല്‍ ഭരണം ഇന്ത്യയിലെന്ന്..

പണ്ട് ചെയ്തുകൂട്ടിയ ദുഷ്ചെയ്തികള്‍ക്ക് പലരാജ്യങ്ങളും ഇന്നു മാപ്പ് പറഞ്ഞുകൊണ്ടിരിക്കുന്നത് നമ്മള്‍ കാണുന്നു...
ഇറ്റാലിയന്‍ പ്രധാനമന്ത്രി സില്‍ വിയൊ ബെര്‍ലുസ്കോണി തന്റെ രാജ്യം ലിബിയയിലെ കൊളോണിയല്‍ ഭരണകാലത്ത് ചെയ്ത അതിക്രമങ്ങള്‍ക്ക് ലിബിയന്‍ ജനതയോട് മാപ്പ് പറഞ്ഞത് അടുത്തിടെയാ‍ണ്. കോമ്പന്‍സേഷന്‍ ആയി 5മില്ല്യന്‍ ഡോളറിന്റെ നിക്ഷേപ കരാറും ഒപ്പു വെച്ചു.
ജെര്‍മനിയ്ക്ക്, ഹിറ്റ്ലറുടെ കാലത്തു നടത്തിയ ജൂത വംശീയ ഹത്ത്യക്ക് (holocaust) ഇസ്രയേല്‍ ജനതയോട് ക്ഷമാപണം ചെയ്യേണ്ടി വന്നു, അല്ലെങ്കില്‍ ജൂതര്‍ അതു ചെയ്യിച്ചു...

ബ്രിട്ടന്‍ ഇന്ത്യയോടു ചെയ്ത കൊടും അപരാധങ്ങള്‍ക്കൊ???

Sepoy Mutiny എന്ന് ബ്രിട്ടീഷുകാര്‍ പരിഹാസപൂര്‍വം പേരിട്ടു വിളിച്ച ഇന്ത്യയുടെ ഒന്നാം സ്വതന്ത്ര്യ സമരത്തിന്റെ കാണാപ്പുറങ്ങളിലേക്കുള്ള ഒരെത്തിനോട്ടമാണ് അടുത്തിടെ പ്രസിദ്ധീകരിക്കപ്പെട്ട, ശ്രീ. അമരേഷ് മിശ്രയുടെ “ War Of Civilizations: India 1857 AD" എന്ന 2000 പേജുള്ള പുസ്തകം.

വിവിധ ജാതി, മത ഗോത്ര വര്‍ഗങ്ങള്‍ പരസ്പര സഹവര്‍ത്തിത്വത്തോടെ വസിച്ചിരുന്ന ഒരു രാജ്യത്ത് വര്‍ഗീയതയുടെയും സ്പര്‍ദ്ധയുടേയും വിത്തെറിഞ്ഞ് ഫലം കൊയ്ത ബ്റ്റിട്ടീഷ് അധികാരഭ്രാന്തന്മാരുടെ ചെയ്തികള്‍ പലതും പുറം ലോകം അറിഞ്ഞില്ല.. അറിയിക്കപ്പെട്ടില്ല..
അറിഞ്ഞതോ വളരെക്കുറിച്ചുമാത്രം...
ഝാന്‍സി റാണിയും, താന്തിയാ തോപ്പിയും, ബഹാദൂര്‍ ഷാ സഫറും നയിച്ച ആ ഒന്നാം സ്വതന്ത്ര്യ സമരത്തിനു പിന്നില്‍ അണി നിരന്ന ജനങ്ങളെ ഒരു ജാതിയുടെയും മതത്തിന്റെയും വേലിക്കെട്ടുകള്‍ വേര്‍തിരിച്ചില്ല. ഇന്ന് ഉത്തര്‍പ്രദേശി്ന്റെ ഭാഗമായ റുഹല്‍ഖണ്ട് എന്നറിയപ്പെടുന്ന സ്ഥലത്തു മാത്രം ആ കാലഘട്ടത്തില്‍ 5000-ല്‍ അധികം മദ്രസ്സക‍ള്‍ ഉണ്ടായിരുന്നു, അതിലോരൊന്നിലും 5000-ല്‍ അധികം ഹിന്ദുക്കളും മുസ്ലീങ്ങളും ആയ കുട്ടികളും ..അങ്ങനെ 56 ജില്ലകള്‍... സാംസ്ക്സ്ക്കാരികമായി വളരെ ഉയര്‍ന്ന തലങ്ങളില്‍ വിരാജിക്കുന്നു എന്ന് സ്വയം അവകാശപ്പെടുന്ന ഈ നൂറ്റാണ്ടില്‍ ഇതൊരു സങ്കല്‍പ്പം മാത്രം.. ഒരുപക്ഷേ ഒരു “ഉട്ടോപ്പ്യന്‍” ചിന്തയും!!

ശരിയായ പ്ലാനിങ്ങിന്റെ അഭാവവും, മറ്റു പല പാളിച്ചകളും ഉണ്ടായിരുന്ന ആ സമരത്തെ അതിക്രൂരമായി അടിച്ചൊതുക്കിയ ബ്രിട്ടീഷ് പട്ടാളം അന്ന് കൊന്നൊടുക്കിയത് ഇന്ത്യയുടെ ജനസംഖ്യയുടെ ഏഴു ശതമാനത്തെയായിരുന്നു: ഏകദേശം 10മില്യന്‍ ജനങ്ങളെ!!!! മേല്‍പ്പറഞ്ഞ പാഠശാലകളില്‍ മാത്രം ജീവന്‍ ബലിയര്‍പ്പിച്ചവര്‍ തന്നെ 1,500,000 പേര്‍ വരും.
ഇന്ത്യന്‍ സബ് കോണ്ടിനന്റിന്റെ അന്നത്തെ മൊത്തം ജനസംഖ്യ 150 മില്ല്യന്‍ മാത്രമായിരുന്നു എന്നോര്‍ക്കണം.
അങ്ങനെ നോക്കുമ്പോള്‍ ഇതല്ലേ ഏറ്റവും വലിയ ഹോളൊകോസ്റ്റ്!!!!

കൊളൊണിയല്‍ ഭരണകാലത്ത് അതിക്രൂരമായി നഷ്ടപ്പെടുത്തിയ ജീവനുകള്‍ക്കും, തകര്‍ത്തെറിഞ്ഞ വികസനപ്രക്രിയകള്‍ക്കും ബ്രിട്ടന്‍ ഇന്ത്യയോട് മാപ്പ് ചോദിക്കേണ്ടതില്ലേ???

നിങ്ങള്‍ എങ്ങനെ പ്രതികരിക്കുന്നു???

കൂടുതല്‍ വിവരങ്ങള്‍ക്ക്....http://warofcivilisations.blogspot.com/

comments:

kichu said...

ബ്രിട്ടന്‍ ഇന്ത്യയോട് മാപ്പ് ചോദിയ്ക്കുമോ..?ശിപ്പായി ലഹളയുടെ കാണാപ്പുറങ്ങള്‍

September 22, 2008 8:11 AM

മലമൂട്ടില്‍ മത്തായി said...

മാപ്പ് പറഞ്ഞിട്ട് എന്താണ് പ്രയോജനം? ബ്രിടിഷുകാര്‍ വരുനതിനു മുന്‍പും ഇന്ത്യ ആക്രമിക്കപെട്ടിടുണ്ട്. ഇന്നത്തെ ഇന്ത്യയിലെ വിവിധ നാട്ടുരാജ്യങ്ങള്‍ തമ്മിലും ഒട്ടനവധി യുദ്ധങ്ങള്‍ നടക്കുകയും അവയില്‍ എല്ലാം ജനങ്ങള്‍ കൊല്ലപെടുകയും ചെയ്തിടുണ്ട്. അവക്കൊകെ ആരോട് മാപ്പ് ചോദിക്കും?

September 22, 2008 10:33 AM

പോങ്ങുമ്മൂടന്‍ said...

കോപ്പ് പറയും :)

September 23, 2008 12:09 AM

ചിത്രകാരന്‍chithrakaran said...

ബ്രിട്ടീഷുകാരന്‍ വന്നതിനു ശേഷമല്ലേ ഇന്ത്യയുണ്ടായത്. അതിനുമുംബുണ്ടായിരുന്ന കാക്കത്തൊള്ളായിരം നാട്ടുരാജ്യങ്ങളെ ഇന്ത്യയെന്നു പറയാനാകുമോ? ബ്രാഹ്മണ ഹിന്ദുമതവും,വിദേശികളായ മുകളന്മാരും നശിപ്പിച്ച ഭാരതം എന്ന സാംസ്ക്കാരിക തോന്നലിന്റെ പ്രേത ഭൂമിയിലേക്കല്ലേ ബ്രിട്ടീഷുകാര്‍ വന്നത് ?
അവരു കൊണ്ടുവന്ന കോടതിയും,റെയില്‍‌വെയും,തപ്പാലാപ്പീസും,സ്കൂളുകളും,മാനവികബോധവും, ഇംഗ്ലീഷും ഉപയോഗിച്ചുകൊണ്ട് നമുക്ക് വളരാന്‍ നോക്കാം. അതല്ലേ, നല്ലത്. അല്ല കൊലപാതകികളുടെ കണക്കെടുക്കുകയാണെങ്കില്‍ നമ്മുടെ ഭഗവത് ഗീതക്കാരന്‍ ശ്രീകൃഷ്ണേട്ടനെയും, മഹാവിഷ്ണുവിനേയുമൊക്കെകൊണ്ട് മാപ്പ് പറയിപ്പിക്കേണ്ടിവരില്ലേ ?
ആ അര്‍ജ്ജുനന്‍ കുട്ടി സ്വന്തം കുടുംബാംഗങ്ങളെത്തന്നെ

കൊല്ലേണ്ടിവരുമല്ലോ എന്നോര്‍ത്ത് പിന്നോട്ടാഞ്ഞപ്പോള്‍ സകല ആണുങ്ങളേയും കൊന്നൊടുക്കണമെന്നു ഉപദേശിച്ച കൃഷ്ണന്‍ കുട്ടിയെ നാം മറക്കാമോ ?
ഇറച്ചിവെട്ടുകാരന്‍ പരശുരാമേട്ടന്റെ നാട്ടുകാരായ നാം കൊലപാതങ്ങള്‍ കണ്ടാല്‍ കയ്യടിക്കുകയല്ലേ വേണ്ടത്?
സ്വന്തം അച്ചനെ കൊല്ലുന്നത് കണ്ട് കൊലപാതകിയായ നരസിംഹേട്ടനെ സ്തുതിച്ചു പാടുന്ന പ്രഹ്ലാദന്റെ മഹനീയ പാരമ്പര്യമുള്ള നാം ഒരു മാപ്പിനുവേണ്ടി ഇനിയും പിച്ചപ്പാത്രമെടുക്കണമെന്നാണോ ?
ഹഹഹ...!!!
ആശംസകളോടെ,
സസ്നേഹം.; September 23, 2008 7:08 AM
സിദ്ധാര്‍ത്ഥന്‍ said...: ഞാന്‍ ഇതിനുമുന്‍പും തല്ലു കൊണ്ടിട്ടുണ്ടെന്നതു കൊണ്ടു് തല്ലിയവനേയും ഇനി തല്ലുന്നവനേയും വെറുതെവിടാം എന്നു് ചിത്രകാരനോ മലമൂട്ടില്‍ മത്തായിയോ ആവശ്യപ്പെടുമെന്നു തോന്നുന്നില്ല. എന്നാല്‍ മാപ്പു പറഞ്ഞിട്ടെന്താണു കാര്യമെന്നു ചോദിച്ചാല്‍, അതു് ഒരു സ്വയം സംസ്കരണത്തിന്റെ ഭാഗമാണു്.

ഒരു രാഷ്ട്രം മാപ്പു ചോദിക്കുക എന്നതു് രണ്ടു ജനതകളുടെ മനസ്സാക്ഷിയെ ബാധിക്കുന്നതായതു കൊണ്ടു് മേലുദാഹരണത്തോടു ബന്ധിപ്പിച്ചു പറയുന്നതു് നിസ്സാരവല്‍ക്കരിക്കലാവും. എന്നാല്‍ മാപ്പു പറയലിന്റെ സാമാന്യഗുണം രണ്ടിലും തുല്യമായതുകൊണ്ടങ്ങനെ പറഞ്ഞെന്നു മാത്രം.

അങ്ങനെ പറയുന്നതു വരെ, കോവളത്തു വെയിലു കൊള്ളാന്‍ വരുന്ന പാവം സായിപ്പു പോലും ദേശസ്നേഹികളെ, ശിപായിലഹളയും, വാഗണ്‍ ട്രാജഡിയും, ജാലിയന്‍ വാലാബാഗും ഓര്‍മ്മിപ്പിച്ചു കൊണ്ടേയിരിക്കും എന്നതു് ദുഃഖകരമായ ഒരു സത്യമാണു്.; September 24, 2008 2:42 AM

മനുഷ്യ നിര്‍മ്മിത തമോഗര്‍ത്തങ്ങള്‍ ഭൂമിയെ വിഴുങ്ങുമോ??..!!

2008-09-09T11:39:00.000-07:00

ശാസ്ത്ര ലോകത്തിന്റെ പുതിയ ഒരു വഴിത്തിരിവോ അതോ “ഡൂംസ് ഡേ“യോ?? ഉത്തരം കിട്ടാന്‍ ഒരുദിനം മാത്രം...

കഴിഞ്ഞ ഇരുപതുകൊല്ലമായി ലോകമെമ്പാടുമുള്ള ശാസ്ത്രഞര്‍ കാത്തിരുന്ന ഒരു നിമിഷത്തിന്റെ സാക്ഷാല്‍ക്കാരമാണ് രണ്ടായിരത്തി എട്ട് സെപ്റ്റംബര്‍ പത്ത് ബുധനാഴ്ച്ച, ഫ്രാന്‍സിന്റേയും സ്വിറ്റ്സര്‍ലാന്റിന്റേയും ഒരു അതിര്‍ത്തി ഗ്രാമത്തില്‍ നടക്കാന്‍ പോകുന്ന “ artificial Big Bang". ഈ പരീക്ഷണത്തിന്റെ പേരു തന്നെ “Alice in wonderland investigation" എന്നാണ്.

ജനീവക്കടുത്ത് മെയിരിന്‍ ലെ CERN (The European Oganisation for Nuclear Research) ലാബില്‍ 3000 കമ്പൂട്ടറുകള്‍ ഈ സ്ഫോടനത്തിന്റെ ഓരോ ചലനവും വിശകലനം ചെയ്യാന്‍ തയ്യാറെടുത്തു കഴിഞ്ഞു.

മള്‍ട്ടി ബില്യണ്‍ ഡോളര്‍ "Large Hadron Collider" തുറക്കാന്‍ പോകുന്നത് ഗവേഷണത്തിന്റെ പുതിയ ഒരു ലോകമാണ്... തിയറികള്‍ മാറി മറിഞ്ഞേക്കാം.. പുതിയ കണ്ടുപിടിത്തങ്ങളുടെ ഒരു പടിവാതിലായേക്കാം ഈ പരീക്ഷണം.

ഏകദേശം 200 മീറ്റര്‍ താഴ്ച്ചയില്‍, 27കിലോമീറ്റര്‍ ചുറ്റളവില്‍ വൃത്താകൃതിയിലുള്ള ഒരു ടണലിലാണ് ഇത് അരങ്ങേറുന്നത്. CERN collider തള്ളിവിടുന്ന പ്രോട്ടോണ്‍ ബീമിന് പ്രകാശ വേഗമാണുള്ളത്. ഇത്തരം പ്രോട്ടോണ്‍ ബീമുകളുടെ കൂട്ടിമുട്ടല്‍ പുറത്തേക്കുവിടുന്ന ഊര്‍ജം ക്രമാതീതമാണ്.ഒരു സെക്കന്റില്‍ ഏകദേശം ഒരു ബില്യണ്‍ കൊളീഷനുകള്‍ നടക്കുമ്പോള്‍ സൂര്യനേക്കാളും 100,000 മടങ്ങ് കൂടുതല്‍ ചൂടാണ് ബഹിര്‍ഗമിക്കുന്നതത്രെ!!!. ലോകത്തിലെ ഏറ്റവും വലിയ ഫ്രിഡ്ജ് ആണ് ഈ ടണല്‍. ഇതിലെ സൂപ്പര്‍ കാന്തങ്ങള്‍ ക്രമീകരിച്ചിരിക്കുന്നത് -271 ഡിഗ്രി C യില്‍ ആണ്. ബഹിരാകാശ താപനിലയെക്കാളും താഴ്ന്ന നിലയില്‍!!!!

13.7 ബില്യണ്‍ കൊല്ലങ്ങള്‍ക്കു മുമ്പ് ഈ പ്രപഞ്ചം ഉണ്ടാവാന്‍ കാരണമായതിന് സദൃശ്യമായ ഒരു അന്തരീക്ഷമാണ് ഈ ടണലിനുള്ളില്‍‍ സൃഷ്ടിക്കപ്പെടുന്നത്.

20 യൂറൊപ്യന്‍ രാജ്യങ്ങള്‍ക്കൊപ്പം അമേരിക്കയും ജപ്പാനും ഫണ്ട് ചെയ്യുന്ന ഈ പരീക്ഷണത്തിന്റെ ചിലവ് നാല് ബില്യണ്‍ ഡോളറാണ്. ഇത് ഉണ്ടാക്കിയേക്ക്കാവുന്ന തമോഗര്‍ത്തങ്ങള്‍ (Black Holes) ഒരുപക്ഷേ ഈ ഭൂമിയെത്തന്നെ വിഴുങ്ങിയേക്കാം. അങ്ങനെ ഒരു ഭയത്തിന് അടിസ്ഥാനമില്ലെന്ന് ശാസ്ത്രഞര്‍ ആവര്‍ത്തിച്ച് പ്രഖ്യാപിക്കുന്നുണ്ടെങ്കിലും ആ ഒരു സാധ്യതയും പൂര്‍ണമായി തള്ളിക്കളയനാവില്ല.

ഏതായാലും കാത്തിരുന്നു കാണാം....

http://www.youtube.com/watch?v=cJFllPVIcpg&feature=related

http://www.youtube.com/watch?v=BXzugu39pKM

http://cerncourier.com/cws/article/cern/29199

ആകാശക്കാഴ്ച്ചകള്‍ തുടര്‍ച്ച.....

2008-09-08T10:06:00.000-07:00

ഇത് “ദുബായ് മരീന“ ഔ കൂട്ടം അംബര ചുംബികളുടെ ലോകം. ലോകത്തില്‍, ഒരുപരിധിയിലധികം ഉയരം കൂടിയ കെട്ടിടങ്ങള്‍ ഏറ്റവും അധികമുള്ളത് ദുബായിലത്രെ. അങ്ങനെ എത്ര എത്ര ലോക റെക്കോര്‍ഡുകള്‍!!!!ഇത് കന്ണ്ടിട്ടെന്തു തോന്നുന്നു?? നീല പശ്ചാത്തലത്തില്‍ ഏതോ അജ്ഞാത ചിത്രകാരന്റെ ആര്‍ട്ട് വര്‍ക്ക് പോലെ ഇല്ലേ?? ഭൂമിയിലെ ഏറ്റവും വിലകൂടിയ സ്ഥല‍ങ്ങളില്‍ ഒന്ന്,“ ദുബായ് വേള്‍ഡ്”.
വേള്‍ഡ് മാപ്പിന്റെ രൂപമാത്രുകയില്‍ മനുഷ്യ നിര്‍മിതമായ ദ്വീപുകള്‍. കൂടുതല്‍ ഉയരത്തില്‍ പറന്നാലേ ശരിയായ ഷേപ്പില്‍ കാണാനാവൂ. പിന്നെ ഞങ്ങള്‍ പോയ സമയത്ത് വേലിയേറ്റമായിരുന്നു. ഇതില്‍ ഒരു ദ്വീപ് വികസിപ്പിച്ചെടുത്ത് ഒരു മോഡല്‍ ആക്കി വെച്ചിട്ടുണ്ട്. സൂക്ഷിച്ചു നോക്കിയാല്‍ കാണാം. അതില്‍ ഒരു കൊട്ടാരവും നിറയെ മരങ്ങളുമെല്ലാം ഉണ്ട്. എന്താ ഒരു ദ്വീപു വാങ്ങുന്നോ? സെലിബ്രിറ്റികളെ കാത്തു കിടക്കുകയാണ്. ഇതൊരു കാലന്‍ കുടയുടെ കാലിനെ ഓര്‍മിപ്പിക്കുന്നില്ലേ....

സത്യം പറയട്ടെ, മുകളില്‍ നിന്നു നോക്കി പല അത്ഭുതങ്ങളും കണ്ടെങ്കിലും മനസ്സിന് ഒരു നിറവില്ലായിരുന്നു... പ്രക്രുതിയുടെ ഒരു നിറവ്..... എങ്ങും വരണ്ട ഭൂമി. കോടിക്കന്ണക്കിനു ദിര്‍ഹം ചിലവഴിച്ച് മോടിപിടിപ്പിച്ചിട്ടും പച്ചപ്പ് അങ്ങിങ്ങു മാത്രം. നമ്മുടെ നാടിന്റെ ആകാശത്തേക്ക് വിമാനം പ്രവേശിക്കുമ്പൊഴുണ്ടാവുന്ന മനസ്സിന്റെ ഒരു താളം തുള്ളലില്ലേ... അതനുഭവിക്കണമെങ്കില്‍.. അതിന്റെ വില മനസ്സിലാവണമെങ്കില്‍ ഇത്തരം ഊഷരഭൂമിയില്‍ വസിച്ച് മടങ്ങിപ്പോകണം. ആ പച്ചപ്പില്‍... കറുപ്പു കലര്‍ന്ന ഇരുണ്ട പച്ചയില്‍.. കടുത്ത പച്ചയില്‍... അവിടത്തെ കാറ്റില്‍.. മനം കുളിര്‍ക്കും... പൂത്തുലയും....

ആകാശ ഗോപുരങ്ങള്‍..

2008-09-05T13:13:00.000-07:00

ബുര്‍ജ് ദുബായ് ( Dubai Tower) & ബുര്‍ജ് അല്‍ അറബ് ( The Arab Tower), ദുബായുടെ മുഖമുദ്രയായ ഈ രണ്ടു ഗോപുരങ്ങളുടെയും ഏരിയല്‍ വ്യു....

ഒന്നാമന്‍, ലോകത്തിലെ ഏറ്റ്വും ഉയരം കൂടിയ കെട്ടിടം. രണ്ടമനോ ലോകത്തിലെ ഏക സെവന്‍ സ്റ്റാര്‍ ഹോട്ടലും. മുകളില്‍ നിന്നു കാണുമ്പോളുള്ള ബുര്‍ജ് ദുബായുടെ വലിപ്പം അപാരം!!!

Down Town Dubai

ഓളങ്ങളുടെ താളം തുള്ളലേറ്റ്.... ബുര്‍ജ് അല്‍ അറബ്.

ആകാശക്കാഴ്ച്ചകള്‍......

2008-09-02T09:38:00.000-07:00

Dnata നടത്തിയ ഒരു കസ്റ്റമര്‍ സര്‍വെയില്‍ പങ്കെടുത്ത്,വിജയിച്ചതിന് കിട്ടിയ ഒരു പാരിതോഷികമായിരുന്നു... വളരെക്കാലമായി മോഹിച്ചിരുന്ന, ദുബായിയുടെ ആകാശത്തിലൂടെയുള്ള ഒരു യാത്ര. " A magical journey across Dubai’s dramatic and ever-changing coastline on a sightseeing sensation, enjoying a lifetime experience from the sky in a Cessna 208 Caravan seaplane with Seawings."

മനസ്സില്‍ ആഹ്ഹ്ലാദത്തിന്റെ തിരയിളക്കം....

ഞങ്ങള്‍ 18 പേരുണ്ണ്ടായിരുന്നു, പെണ്ണുങ്ങള്‍ രണ്ണ്ടുപേര്‍ മാത്രം. ബസ്സില്‍ കാര്‍ഗൊ വില്ലേജില്‍ നിന്ന് ജെബല്‍ അലിയിലേക്ക്. 10മണിക്കാണ് റിപ്പോര്‍ട്ടിങ് സമയം. 45 മിനിറ്റിനകം ജെബെല്‍ അലി ഹോട്ടലില്‍ എത്തി.

സീപോര്‍ട്ടില്‍ നിന്നു കുറച്ചു മാറി വിജനമായ മരുഭൂമിയില്‍ ഒരു മരുപ്പച്ച. ഇതൊരു പഴയ ഹോട്ടല്‍ ആണ്, ഇതിന്ണൊടു ചേര്‍ന്ന് ഒരു ഗോള്‍‍ഫ് ക്ലബ്ബും മറ്റു വിനോദ ഉപാധികളും ഉണ്ട്. സമ്പന്നരുടെ മാത്രം താവളങ്ങളില്‍ ഒന്ന്. തിളക്കുന്ന ചൂടിലും ( ഏകദേശം 40 ഡിഗ്രി C) വിദേശികളുടെ നല്ല തിരക്ക്.

ഹോട്ടലില്‍ അല്‍പ്പ നേരം വിശ്രമം.

“ഗോള്‍ഫ് കാര്‍ട്ടില്‍” ലാന്റിങ് ബേയിലേക്ക്....

“ Sea Wings ” , അതാണ് വിമാനത്തിന്റെ പേര്. വെള്ളത്തിലും ആകാശത്തിലും സഞ്ചരിക്ക്കാവുന്ന സീ പ്ലെയിന്‍. പലപ്പോഴും ഇത്തരം വിമാനങ്ങള്‍ ദുബായ് ക്രീക്കില്‍ വന്നിറങ്ങുന്നത് കണ്ടിട്ടുള്ളതേയുള്ളൂ, യാത്ര ആദ്യമായാണ്. ചെറിയ വിമാനമാണ്, മനസ്സില്‍ നേരിയ ഒരു ഭയമില്ലാതില്ല.

പ്ലേനിനു ചുറ്റും വെള്ളത്തില്‍ ലക്ഷക്കണക്കിനു മീനുകള്‍ യാത്രയയപ്പിനായി......

ദുബായ് എന്ന സ്വപ്ന നഗരത്തിന്റെ ആകാശക്കാഴ്ച്ചകളില്‍ ചിലത് ക്യാമറയില്‍ പകര്‍ത്തിയത് നിങ്ങള്‍ക്കായി..... ആ‍ദ്യത്തെ ഫോട്ടോഗ്രഫിക് ഉദ്യമമാണ്.... മകന്റെ കടം കൊണ്ട ക്യാമറയില്‍.....

ബഹിരാകാശത്തു നിന്നു വരെ ദ്ര്ശ്യമെന്നവകാശപ്പെടുന്ന മനുഷ്യനിര്‍മിതമായ 3 പാം ദ്വീപുകള്‍(Palm Islands) ദുബായുടെ സ്വപ്നമാണ്.

ഇതിഹാസ നഗരമായിരുന്ന അറ്റ്ലാന്റിസിനെ ഓര്‍മപ്പെടുത്തിക്കൊണ്ട് “ഹോട്ടല്‍ അറ്റ്ലാന്റിസ്”.... അതിന്റെ പശ്ചാത്തലത്തില്‍ “പാം ജുമൈറ”

നിര്‍മ്മാണം പുരോഗമിച്ചു കൊണ്ടിരിക്കുന്നതേയുള്ളൂ... ഇനിയും എത്രയോ ബാക്കി.. മറ്റു രണ്ടു ദ്വീപുകള്‍, പാം ജെബെല്‍ അലിയും പാം ദേരയും വികസനം തുടങ്ങിക്കഴിഞ്ഞു.

യാത്ര തുടരും......

മുട്ടുവിന്‍ തുറക്കപ്പെടും

2008-08-29T05:02:00.000-07:00

പാമ്പുകള്‍ക്ക് മാളമുണ്ട്....
പറവകള്‍ക്കാകാശമുണ്ട്....
മനുഷ്യപുത്രനു തലചായ്ക്കാന്‍
മണ്ണിലിടമുണ്ടോ....
(“അതോ ഒരു ഫ്ലാറ്റുണ്ടോ“)

ഇന്നായിരുന്നെങ്കില്‍ കവി ഒരു
പക്ഷേ ഇങ്ങനെ എഴുതിയേനെ...
എതായാലും, ഈ ബൂലോകത്തില്‍
ഇടം തേടി ഒരു മനുഷ്യപുത്രി കൂടി.